كاسپيي قۇبىر كونسورتسيۋمى بويىنشا جٶندەۋ جۇمىستارى ەزٸرگە باستالمادى. بۇل تۋرالى ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«كاسپيي قۇبىر كونسورتسيۋمى بويىنشا جٶندەۋ جۇمىستارى ەزٸرگە باستالمادى. رەسەيلٸك ەرٸپتەستەرٸمٸز اۋا رايىنا بايلانىستى تەڭٸزدٸڭ تٷبٸنە تٷسۋگە مٷمكٸن بولماي تۇرعانىن ايتىپ جاتىر. سول بەپتٸ ولار سەۋٸر ايىنىڭ ٸشٸندە بٷكٸل جۇمىستاردى اياقتاۋعا بارلىق مٷمكٸندٸگٸن سالاتىنىن ۋەدە بەرٸپ وتىر. اتاپ ايتقاندا, اتقارىلاتىن جۇمىستار انىقتالدى. دەگەنمەن, جۇمىسشىلار بريگاداسى سۋداعى جۇمىستاردى جٷرگٸزە الماي جاتىر», - دەدٸ اقشولاقوۆ مەجٸلٸستە تٸلشٸلەر ساۋالىنا جاۋاپ بەرە وتىرىپ.
وسى ورايدا ول الداعى اپتادا رەسەيلٸك ەرٸپتەستەرٸمەن كەلٸسسٶز جٷرگٸزۋدٸ جوسپارلاپ وتىرعانىن ايتتى.
قازاقستاندىق دەلەگاتسييا رەسەيگە بارىپ, كونسۋلتاتسييا جٷرگٸزەدٸ.
«سونىمەن قاتار, جٶندەۋ جۇمىستارىن جٷرگٸزەتٸن ماماندار دا كەرەك. سوندىقتان كونسۋلتاتسييا تەحنيكالىق ماماندار باسشىلىعى دەڭگەيٸندە جٷرٸپ جاتىر. بٸزدٸڭ ماماندار تيٸستٸ كەزدەسۋ ٶتكٸزۋ ٷشٸن مەسكەۋگە باردى. قوسىمشا اقپاراتتى تاعى دا حابارلايمىن», - دەدٸ ۆەدومستۆو باسشىسى.
