QR Energetika ministri Bolat Aqsholaqov Ázerbaijan arqyly Qazaqstan munaiyn eksporttaýdyń keleshegi týraly paiymyn aitty, dep habarlaidy QazAqparat.
Ázerbaijan arqyly qazirgi marshrýttardan artylǵan munaidy eksporttaý qaralyp jatyr - ministr
«Munai eksportynyń balama joldary týraly suraq qoiylǵan saiyn aityp júrmiz. Búgingi tańda Kaspii qubyr konsortsiýmy Qazaqstan munaiyn eksporttaýdyń utymdy joly bolyp otyr. Iaǵni, eń negizgi mindet – osy marshrýttyń irkilissiz jumys isteýin qamtamasyz etip, Qazaqstan munaiyn eksporttaýdyń ornyqty kanalyn ustap turý. Bul el ekonomikasynyń ósimi úshin óte mańyzdy», - dedi vedomstvo basshysy.
Sondai-aq ol Ázerbaijan arqyly ótetin marshrýttyń Kaspii qubyr konsortsiýmyna balama retinde qarastyrylyp otyrmaǵanyn aitty.
«Balama jol degende aldaǵy eki jylda iri kenishterdiń esebinen, jańa shaǵyn ken oryndaryn taýyp, qoldanysqa berý esebinen munai óndirisiniń kólemin arttyrmaqshymyz. Sonda biylǵy jospar - munai óndirisiniń kólemi 85,7 mln tonnaǵa jetkizý bolsa, keleshekte bul kórsetkish 103 mln, tipti 107 mln tonnaǵa deiin jetýi múmkin degen boljam bar. Bul qazir eksportqa jóneltetin munaidan áldeqaida kóp. Sonda biz artylǵan kólemdi jóneltip úlgerýdiń, irkilissiz tasmymaldaýdyń qosymsha joldary týraly oilanýymyz kerek. Sondyqtan biz ózge balama marshrýttardy qarastyryp otyrmyz», - dep túsindirdi ministr.
Aitýynsha, Qazaqstan munaiyn Kaspii arqyly balama jolmen tasymaldaýdyń eki baǵyty bar.
«Bul marshrýt boiynsha Ázerbaijan da, Iran da áriptestik usyna alady. Ár marshrýttyń óz ereksheligi bar. Irandy aitsaq, kúshi joiylmaǵan sanktsiialar máselesi bar. Sonda da ol baǵytty qarastyryp jatyrmyz. Al eksporttalatyn munaidyń bir bóligin Kaspii arqyly Ázerbaijanǵa jóneltý tehnikalyq málese dep aitýǵa bolady. Sondai-aq bul jerde úlken kólem týraly áńgime joq. Jańaǵy aityp otyrǵan artylýy yqtimal kólemderdi jóneltý kózdelip otyr. Sondyqtan Kaspii qubyr konsortsiýmynyń irkilissiz jumys isteýi basym baǵyt bolyp qalady. Sonymen qatar qosymsha parallel marshrýttar jolǵa qoiylmaq. Bul munai óndirisiniń kólemi artýyna bailanysty qolǵa alynady», - dedi Bolat Aqsholaqov.
