Air Astana kompaniialar toby Kaspii teńizindegi oqý-jattyǵý kezinde qaza tapqan jáne aman qalǵan áskeri qyzmetshilerdiń jaqyn týystaryn tegin tasymaldaidy, dep habarlaidy ult.kz.
Kompaniia qaza tapqan jáne aman qalǵan áskeri qyzmetshilerdiń ata-analaryna, jubailaryna, balalaryna, sondai-aq týǵan aǵa-inileri men apa-sińlilerine aviabiletter usynady. Kaspiidegi oqiǵadan aman qalǵan áskeri qyzmetshilerdiń ózderi de tegin bilet ala alady.
Tegin biletter 2026 jylǵy 25 qyrkúiek pen 3 qazan aralyǵynda oryndalatyn Air Astana jáne FlyArystan kompaniialarynyń kez kelgen ishki reisterine jaramdy.
Bilet rásimdeý kezinde týystyqty rastaityn qujattardy usyný qajet.
Air Astana:
Brondaý jáne aqparat ortalyǵy (táýlik boiy): +7 702 702 00 74 (WhatsApp), sondai-aq kompaniianyń onlain-chaty arqyly.
FlyArystan:
help@flyarystan.com, 8 727 331-10-10, WhatsApp: +7 702 702 0227. Sondai-aq mobildi qosymshadaǵy nemese saittaǵy Live Chat arqyly habarlasýǵa bolady.
Eske salaiyq, 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde aýa raiy kúrt nasharlap, jel kúsheigen. Sonyń saldarynan áskeri qyzmetshiler teńizge túsip ketken. Memlekettik organdardyń alǵashqy málimetinde 19 áskeri qyzmetshiniń teńizge ketkeni aitylǵan.
Qaiǵyly oqiǵaǵa bailanysty 25 qyrkúiek Qazaqstanda jalpyulttyq aza tutý kúni bolyp jariialandy.
