Mańǵystaý oblysynda oqý-jattyǵý kezinde áskeri qyzmetshilerdiń qaza bolý faktisi boiynsha tergeý jalǵasýda. Bul týraly QR Bas prokýratýra málimdedi, dep habarlaidy ult.kz.
Oqiǵa ornyna qarap-tekserý júrgizilip, 30-dan astam áskeri qyzmetshiden jaýap alyndy, qujattar men beinematerialdar tárkilendi. 12 saraptama taǵaiyndaldy.
Qyzmetke salǵyrt qarady dep kúdik keltirilgen, sondai-aq meteorologiialyq jaǵdailardy eskere otyryp, jeke quramnyń qaýipsizdigin qamtamasyz etý úshin tiisti baqylaý men qajetti sharalardyń qabyldanýyn qamtamasyz etpegen, qutqarý jumystaryn tiisinshe uiymdastyrmaǵan, sonyń saldarynan adamdardyń qaza bolýyna ákep soqqan laýazymdy tulǵalar anyqtaldy.
Tergeý barlyq kúdiktilerdiń áreketterine tolyq quqyqtyq baǵa berip, olarǵa qatysty protsestik sharalar qabyldaidy.
Eske salaiyq, Memleket basshysynyń ókimimen Mańǵystaý oblysynda qyzmettik mindetterin atqarý kezinde áskeri qyzmetshilerdiń qazaǵa ushyraýyna bailanysty Qazaqstan Respýblikasynda 2026 jylǵy 25 qyrkúiekte jalpyulttyq aza tutý jariialandy.
