Mańǵystaý oblysynda Kaspii teńizine shyqqan eki er adamnyń sapary qutqarýmen aiaqtaldy, dep habarlaidy ult.kz TJM baspasóz qyzmetine silteme jasap.
Olar sapbord taqtasymen serýendeýge shyqqan. Kúshti aǵys saldarynan olardy teńizge qarai alyp ketken.
Sýdaǵy profilaktikalyq is-sharalar barysynda TJM jedel-qutqarý jasaǵynyń qyzmetkerleri Aqtaý qalasynyń 4A shaǵyn aýdany mańynda jaǵadan shamamen 500 metr qashyqtyqta kómek suraǵan adamdardy baiqaǵan.
Eki azamat qutqarý jiletterin kigen, bul qaiǵyly jaǵdaidyń aldyn alýǵa kómektesti.
Olar qaiyqpen jaǵaǵa jetkizildi. Meditsinalyq kómek qajet bolmady.
