«Kaspi Bank» AQ bólimshesine qaraqshylyq shabýyl jasaǵan kúdiktiniń biri Oral qalasynda ustaldy, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń aitýynsha, Almaty qalasynyń 28 jastaǵy turǵynyn kriminaldyq politsiia jáne arnaiy jasaq qyzmetkerleri Oraldaǵy úilerdiń birinen búgin saǵat 10.00 shamasynda qolǵa túsirdi.
Biylǵy 15 qazanda Almaty qalasyndaǵy «Kaspi Bank» AQ bólimshesine qaraqshylyq shabýyl jasalyp, belgisiz eki adam atys qarýymen qorqytyp, qarajatty alyp ketken bolatyn.
Osy derek boiynsha Almaty qalasy politsiia departamenti Almaly aýdanynyń politsiia bólimi QR QK 192-baby 3- bóligine sáikes tergeý amaldaryn júrgizýde.
«Soǵan bailanysty kúdikti budan keiin Almaty qalasyna jetkiziletin bolady», dedi Belgibekov.
