- Almaty oblysynyń Qarasai aýdandyq sotynda úsh aǵaiyndynyń ólimine qatysty sot júrip jatyr. 17 qarasha kúni negizgi sot protsessi bastaldy. Qamaýǵa alynǵan eki kúdikti de óz kinálaryn moiyndamai jatyr, - dep habarlaidy Ult.kz tilshisi QazAqparat agenttigine silteme jasap.
Máselen, basty kúdikti Talǵat Súleimenov atalǵan qylmystyq iske tek jartylai ǵana qatysym bar dep jaýap berdi.
«Kólikti jaqty, sosyn arqaisysyn ár jerde atty degeni, ol durys emes. Ol jerde túsinispeýshilik, eregis týyndady», - deidi kúdikti Talǵat Súleimenov.
Al, Murat Ońalbaev jáne qylmysty kóre tura esh jerge habarlamady degen Baiqasymov ózderin kináli dep sanamaidy.
Jábirlenýshi tarap sottalýshylarǵa eń aýyr jaza qoldanylsyn dep talap etip otyr. Jáne qaitys bolǵan úsh jigittiń árqaisysynyń otbasyna 15 million teńgeden moraldyq shyǵyn óndirip berýin surady.
Aita ketelik, marqum bolǵandardyń týystary «tergeý tez aiaqtaldy, qaskóilerdiń sybailastary áli de bostandyqta júr» dep kúdiktenedi.
Esterińizge sala keteiik, qyrkúiek aiynda Almaty oblysynda úsh aǵaiyndy jigit Uzynaǵash aýylyna mal satýǵa baryp, joǵalyp ketken bolatyn. Artynsha olardyń óli deneleri tabyldy. Al qaitys bolǵan úsh azamattyń artynda 8 bala men áielderi qaldy.
