- الماتى وبلىسىنىڭ قاراساي اۋداندىق سوتىندا ٷش اعايىندىنىڭ ٶلٸمٸنە قاتىستى سوت جٷرٸپ جاتىر. 17 قاراشا كٷنٸ نەگٸزگٸ سوت پروتسەسسٸ باستالدى. قاماۋعا الىنعان ەكٸ كٷدٸكتٸ دە ٶز كٸنەلارىن مويىنداماي جاتىر, - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
مەسەلەن, باستى كٷدٸكتٸ تالعات سٷلەيمەنوۆ اتالعان قىلمىستىق ٸسكە تەك جارتىلاي عانا قاتىسىم بار دەپ جاۋاپ بەردٸ.
«كٶلٸكتٸ جاقتى, سوسىن ارقايسىسىن ەر جەردە اتتى دەگەنٸ, ول دۇرىس ەمەس. ول جەردە تٷسٸنٸسپەۋشٸلٸك, ەرەگٸس تۋىندادى», - دەيدٸ كٷدٸكتٸ تالعات سٷلەيمەنوۆ.
ال, مۇرات وڭالباەۆ جەنە قىلمىستى كٶرە تۇرا ەش جەرگە حابارلامادى دەگەن بايقاسىموۆ ٶزدەرٸن كٸنەلٸ دەپ سانامايدى.
جەبٸرلەنۋشٸ تاراپ سوتتالۋشىلارعا ەڭ اۋىر جازا قولدانىلسىن دەپ تالاپ ەتٸپ وتىر. جەنە قايتىس بولعان ٷش جٸگٸتتٸڭ ەرقايسىسىنىڭ وتباسىنا 15 ميلليون تەڭگەدەن مورالدىق شىعىن ٶندٸرٸپ بەرۋٸن سۇرادى.
ايتا كەتەلٸك, مارقۇم بولعانداردىڭ تۋىستارى «تەرگەۋ تەز اياقتالدى, قاسكٶيلەردٸڭ سىبايلاستارى ەلٸ دە بوستاندىقتا جٷر» دەپ كٷدٸكتەنەدٸ.
ەستەرٸڭٸزگە سالا كەتەيٸك, قىركٷيەك ايىندا الماتى وبلىسىندا ٷش اعايىندى جٸگٸت ۇزىناعاش اۋىلىنا مال ساتۋعا بارىپ, جوعالىپ كەتكەن بولاتىن. ارتىنشا ولاردىڭ ٶلٸ دەنەلەرٸ تابىلدى. ال قايتىس بولعان ٷش ازاماتتىڭ ارتىندا 8 بالا مەن ەيەلدەرٸ قالدى.
