Foto: Ulysmedia.kz
Almaty oblysyndaǵy Qaskeleń perzenthanasyndaǵy dárigerler terezeden sekirmek bolǵan júkti áieldi qutqaryp qalǵan, dep habarlaidy Ulysmedia.kz.
Almatyda toǵyzynshy qabattan balalaryn laqtyryp, artynan ózi sekirip ketken áieldiń oqiǵasy qoǵamdy dúr silkindirdi. Birneshe kún buryn dál osy úidiń kórshi podezinde taǵy bir áiel ózine qol jumsap, terezeden sekirip ketken. Rastalǵan aqparatqa súiensek, onyń psihikalyq aýytqýshylyǵy bolǵan ári ózine birneshe ret qol jumsaǵysy kelgen. Kórshilerdiń aitýynsha, kelinshektiń jasy otyzǵa taiap qalǵan, basyndaǵy nesiesin tólei almai júrgen.
Al osy kezde Qarasai aýdany Qaskeleń perzenthanasynda jatqan áiel úshinshi qabattyń terezesinen sekirmekshi bolǵan. Dárigerler der kezinde úlgerip, áieldi aman alyp qaldy. Mundai sharasyzdyqqa ne sebep bolǵanyn qazir quqyq qorǵaý organdary tekserip jatyr.
Qalalyq klinikalyq aýrýhananyń terapevti jas áielderdiń óz-ózine qol jumsaýynyń sebebi kúieýimen nemese týystarymen kúndelikti turmystyq kikiljińdermen bailanysty bolýy múmkin deidi.
«Bul áieldiń úsh balasy boldy. Balalar arasyndaǵy jas aiyrmashylyq óte jaqyn. Al ózi nebári 28 jasta. Bilesiz be, tipti bizdiń medbikelerdiń ózi bosana sala, jumysqa shyǵyp ketedi. «Nege?» dep surasam, olar «Biz jumys isteýimiz kerek» deidi. Al týystary qýyp jiberetin kezder de bolǵan. Aqsha kerek. Osyǵan qaramastan olar jii bosanady. Nege deseńiz, oǵan járemdaqy alady. Birine tońazytqysh alsa, ekinshisine shańsorǵysh. Azap shegip jatqan psihikany, bosanýdan keiingi aǵzany qalpyna keltirý kerek ekendigi oilamaidy. Bul áiel de uzaq ýaqyt depressiiaǵa ushyrap, bolmashy urys áser etip otyr», – deidi dáriger.
