فوتو: Ulysmedia.kz
الماتى وبلىسىنداعى قاسكەلەڭ پەرزەنتحاناسىنداعى دەرٸگەرلەر تەرەزەدەن سەكٸرمەك بولعان جٷكتٸ ەيەلدٸ قۇتقارىپ قالعان, دەپ حابارلايدى Ulysmedia.kz.
الماتىدا توعىزىنشى قاباتتان بالالارىن لاقتىرىپ, ارتىنان ٶزٸ سەكٸرٸپ كەتكەن ەيەلدٸڭ وقيعاسى قوعامدى دٷر سٸلكٸندٸردٸ. بٸرنەشە كٷن بۇرىن دەل وسى ٷيدٸڭ كٶرشٸ پودەزٸندە تاعى بٸر ەيەل ٶزٸنە قول جۇمساپ, تەرەزەدەن سەكٸرٸپ كەتكەن. راستالعان اقپاراتقا سٷيەنسەك, ونىڭ پسيحيكالىق اۋىتقۋشىلىعى بولعان ەرٸ ٶزٸنە بٸرنەشە رەت قول جۇمساعىسى كەلگەن. كٶرشٸلەردٸڭ ايتۋىنشا, كەلٸنشەكتٸڭ جاسى وتىزعا تاياپ قالعان, باسىنداعى نەسيەسٸن تٶلەي الماي جٷرگەن.
ال وسى كەزدە قاراساي اۋدانى قاسكەلەڭ پەرزەنتحاناسىندا جاتقان ەيەل ٷشٸنشٸ قاباتتىڭ تەرەزەسٸنەن سەكٸرمەكشٸ بولعان. دەرٸگەرلەر دەر كەزٸندە ٷلگەرٸپ, ەيەلدٸ امان الىپ قالدى. مۇنداي شاراسىزدىققا نە سەبەپ بولعانىن قازٸر قۇقىق قورعاۋ ورگاندارى تەكسەرٸپ جاتىر.
قالالىق كلينيكالىق اۋرۋحانانىڭ تەراپەۆتٸ جاس ەيەلدەردٸڭ ٶز-ٶزٸنە قول جۇمساۋىنىڭ سەبەبٸ كٷيەۋٸمەن نەمەسە تۋىستارىمەن كٷندەلٸكتٸ تۇرمىستىق كيكٸلجٸڭدەرمەن بايلانىستى بولۋى مٷمكٸن دەيدٸ.
«بۇل ەيەلدٸڭ ٷش بالاسى بولدى. بالالار اراسىنداعى جاس ايىرماشىلىق ٶتە جاقىن. ال ٶزٸ نەبەرٸ 28 جاستا. بٸلەسٸز بە, تٸپتٸ بٸزدٸڭ مەدبيكەلەردٸڭ ٶزٸ بوسانا سالا, جۇمىسقا شىعىپ كەتەدٸ. «نەگە?» دەپ سۇراسام, ولار «بٸز جۇمىس ٸستەۋٸمٸز كەرەك» دەيدٸ. ال تۋىستارى قۋىپ جٸبەرەتٸن كەزدەر دە بولعان. اقشا كەرەك. وسىعان قاراماستان ولار جيٸ بوسانادى. نەگە دەسەڭٸز, وعان جەرەمداقى الادى. بٸرٸنە توڭازىتقىش السا, ەكٸنشٸسٸنە شاڭسورعىش. ازاپ شەگٸپ جاتقان پسيحيكانى, بوسانۋدان كەيٸنگٸ اعزانى قالپىنا كەلتٸرۋ كەرەك ەكەندٸگٸ ويلامايدى. بۇل ەيەل دە ۇزاق ۋاقىت دەپرەسسيياعا ۇشىراپ, بولماشى ۇرىس ەسەر ەتٸپ وتىر», – دەيدٸ دەرٸگەر.
