2021 jyldyń II toqsanynda kásiporyndarda óndiris qýatynyń júktemesi ulǵaidy. Bul týraly Ulttyq bank habarlady.
Banktiń habarlaýynsha, kásiporyndardy monitoringteý nátijesinen naqty sektorda ekonomikalyq belsendiliktiń birtindep qalpyna kele bastaǵanyn baiqaýǵa bolady. Bul úrdis óndiris qýatynyń júktemesi men óndiris kóleminiń ulǵaiýynan, aktivter men ainalymdaǵy qarajattardyń tez qozǵalysynan, sondai-aq aiyrbas baǵamynyń teris áseriniń tómendeýi esebinen boldy.
2021 jyldyń II toqsanynda kásiporyndarda óndiris qýatynyń júktemesi (ÓQJ) ulǵaidy, ÓQJ-niń ortasha deńgeii 53,5%-ǵa deiin (I toqsanda – 52,1%) boldy. Nátijesinde óndiris kólemi artty. Diffýziialyq indeks (budan ári – DI) ósý aimaǵynan ótip, 40,5-ten 53,8-ge deiin ósti.
2021 jyldyń II toqsanynda jalpy ekonomika boiynsha kásiporyndardyń daiyn ónimine baǵanyń ósý qarqyny 59,2-den 61,5-ke deiin ósti. Óńdeý jáne taý-ken ónerkásibinde DI tiisinshe 65,3-ke jáne 61,8-ge deiin ulǵaidy. 2021 jyldyń III toqsanynda kásiporyndar shikizat pen materialdar baǵasynyń ósý qarqynynyń tómendeýin kútedi.
2021 jyldyń II toqsanynda suralǵan kásiporyndardyń 17,5%-y bankke kredit alýǵa ótinish berip, kásiporyndardyń 16,7%-y (nemese kredit alýǵa ótinish bergenderdiń 95,4%-y) qaryz aldy. Kásiporyndardyń basym kópshiligi (84,6%) ainalym qarajatyn qarjylandyrýǵa (materialdar, shikizat, jartylai daiyn ónimder jáne t.b. satyp alý) kredit tartty.
2021 jyldyń II toqsanynda júrgizilgen saýalnama nátijesi boiynsha, kásiporyndardyń 34,1%-y Qazaqstan ekonomikasynyń búgingi jai-kúii biznesti júrgizýge kedergi bolyp otyrǵanyn aitqan (1-toqsanda mundai kásiporyndardyń úlesi 33,9% boldy). Basqa negizgi kedergiler naryqtyq básekelestik (28,9%), satyp alýshylar izdeý (22,8%), salyq aýyrtpalyǵynyń deńgeii (22,4%), bilikti mamandardyń jetispeýshiligi (18,1%), debitorlyq bereshekti qaitarý qiyndyǵy (12,2%) bolyp kete beredi. Mańyzdylyǵy jaǵynan qarjylandyrýǵa qoljetimdilik 8-orynda (11,9%) ornalasqan.
