QR Bas memlekettik sanitar dárigeri Jandarbek Bekshin kásiporyndar men qoǵamdyq oryndardyń dezinfektsiialyq rejimin kúsheitýdi surady, dep habarlaidy "Ult aqparat".
«Álemde koronavirýs infektsiiasynyń taralýyna bailanysty kásiporyndardyń basshylaryna úndeý jasaǵym keledi. Dezinfektsiialyq rejimdi kúsheitip, barlyq qoǵamdyq uiymdarda qol jýýǵa jaǵdai jasalýy kerek. Mindetti túrde suiyq sabyn qoiylýy tiis», - dedi Jandarbek Bekshin Ortalyq kommýnikatsiialar qyzmetinde ótken baspasóz máslihatynda.
Sonymen birge, bas sanitarlyq dáriger kásiporyn basshylaryna dezinfektsiialyq rejimniń saqtalýyn jiti qadaǵalaýdy tapsyrdy.
«Ásirese, sýpermarketter men meditsinalyq mekemelerde dezinfektsiialyq rejim saqtalýy qajet. Saǵat saiyn esik tutqalary men baspaldaq mańaiy tazartylyp turýy kerek», - dedi ol.
Buǵan deiin koronavirýs infektsiiasynan qorǵaný boiynsha Qazaqstan azamattaryna birneshe elge barmaý jóninde keńes berilgen edi.
