قر باس مەملەكەتتٸك سانيتار دەرٸگەرٸ جانداربەك بەكشين كەسٸپورىندار مەن قوعامدىق ورىنداردىڭ دەزينفەكتسييالىق رەجيمٸن كٷشەيتۋدٸ سۇرادى, دەپ حابارلايدى "ۇلت اقپارات".
«ەلەمدە كوروناۆيرۋس ينفەكتسيياسىنىڭ تارالۋىنا بايلانىستى كەسٸپورىنداردىڭ باسشىلارىنا ٷندەۋ جاساعىم كەلەدٸ. دەزينفەكتسييالىق رەجيمدٸ كٷشەيتٸپ, بارلىق قوعامدىق ۇيىمداردا قول جۋۋعا جاعداي جاسالۋى كەرەك. مٸندەتتٸ تٷردە سۇيىق سابىن قويىلۋى تيٸس», - دەدٸ جانداربەك بەكشين ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, باس سانيتارلىق دەرٸگەر كەسٸپورىن باسشىلارىنا دەزينفەكتسييالىق رەجيمنٸڭ ساقتالۋىن جٸتٸ قاداعالاۋدى تاپسىردى.
«ەسٸرەسە, سۋپەرماركەتتەر مەن مەديتسينالىق مەكەمەلەردە دەزينفەكتسييالىق رەجيم ساقتالۋى قاجەت. ساعات سايىن ەسٸك تۇتقالارى مەن باسپالداق ماڭايى تازارتىلىپ تۇرۋى كەرەك», - دەدٸ ول.
بۇعان دەيٸن كوروناۆيرۋس ينفەكتسيياسىنان قورعانۋ بويىنشا قازاقستان ازاماتتارىنا بٸرنەشە ەلگە بارماۋ جٶنٸندە كەڭەس بەرٸلگەن ەدٸ.
