Qazaqstan Respýblikasy Kásipodaqtar federatsiiasynda Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Qazaqstan halqyna Joldaýynyń negizgi tezisterin talqylaý boiynsha kásipodaqtar belsendileriniń májilisi ótti.
Májiliske aýmaqtyq jáne salalyq kásipodaqtar tóraǵalary qatysty.
Memleket basshysy Nursultan Nazarbaev óziniń Qazaqstan halqyna arnalǵan jyl saiynǵy Joldaýynda «tehnologiialyq» jáne jahandyq ózgerister kezeńinde turaqty damý úshin memleket pen qoǵamnyń eń ózekti mindetterin kórsetti.
Qazaqstan úshin de zamanaýi trend bolǵan Tórtinshi ónerkásiptik revoliýtsiia dáýirinde tabysty áleýmettik beiimdelý úshin jańa maqsattar anyqtaldy. Ulttyń rýhani, ziiatkerlik damýy, azamattarymyzdyń moraldyq jáne fizikalyq ál-ahýalyn arttyrý arqyly ǵana qoiylǵan maqsattarǵa qol jetkizýge bolady. Osy mánmátinde adami kapital indeksin memlekettiń jańǵyrý negizderi retinde damytý máselesi jeke bólimmen atap kórsetilgen.
Májilisti ashqan QRKF Tóraǵasy Baqytjan Ábdiraiym Prezident Joldaýy aiasynda qabyldanǵan áleýmettik saladaǵy mańyzdy sheshimder adami kapitaldy jetildirýge ǵana kómektespeidi, sonymen birge turaqty jáne jappai áleýmettik-ekonomikalyq progress negizi bolyp tabylatyndyǵyn atap ótti.
Búgingi Joldaý memlekette júzege asyrylyp jatqan barlyq reformalardyń áleýmettik baǵyttylyǵynyń aiqyn kýási boldy. Prezident ustazdar eńbekaqysynyń artatyndyǵy týraly málimdedi.
Sonymen birge, Tóraǵa atap ótkendei, Joldaý memleket, qoǵam jáne ár azamattyń óz taǵdyry úshin ózara jaýapkershiligin ańǵartady.
Osy sebepti, «ulttyń tabystylyǵy faktory mineraldy resýrstar emes», naq adamnyń ózi bolady. Memleket basshysy Joldaýyn júzege asyrý úrdisin durys túsinýimiz ben árqaisymyzdyń tikelei atsalysýymyz, jańarýdyń qajettiligin jete uǵynýymyz Qazaqstannyń jarqyn bolashaǵyn qurýda túiindi faktorlar bolyp tabylady.
B.Ábdiraiym Elbasy Joldaýyn júzege asyrý protsesinde kásipodaqtardyń róli joǵary ekendigine erekshe nazar aýdardy. Bul rette qoiylǵan maqsattar men mindetterge sáikes damý vektoryn anyqtaý qajet.
Júzege asyrý protsesi qysqa merzimdi bolmaýy kerek, kerisinshe syrtqy ortanyń dinamikasy men jyldamdyǵyna sáikes kásipodaqtar institýty turaqty jańaryp turýy tiis ekeni aityldy. Jańǵyrý dáýirinde kásiptik odaqtar ǵana jańa áleýmettik-eńbek qatynastary júiesi, áleýmettik seriktestik pen áleýmetke baǵyttalǵan ekonomikany damytý máselelerin kóterýge jáne sheshýge qabiletti qýatty jáne jasampaz áleýmettik institýt bolýy tiis.
Osy jasampaz úrdiste naqty nátijelerge qol jetkizý úshin kásipodaqtardyń bitimgershilik dárejesin arttyrý qajet.
Sonymen qatar, zamanaýi damýdyń basty trendi áleýmettik-eńbek qatynastaryn ózektendirý bolyp tabylady, sondyqtan, jumys oryndaryn saqtaý, eńbekti tiimdi qorǵaý, eńbekaqyny ýaqytyly tóleý, óndiristik jaraqattanýshylyqtyń aldyn-alý jáne qorǵaý máselelerin jyldam sheshý qajettiligi atap ótildi.
Qazir QRKF Ortalyq Apparaty ortasha merzimge arnalǵan Kásipodaqtar federatsiiasyn jańǵyrtýdyń «Jol kartasyn» ázirledi. Bul óz kezeginde Memleket basshysynyń Joldaýynda qoiylǵan negizgi ideialar men mindetterdi júzege asyrý úshin kásipodaqtardyń strategiiasy men ádis-tásilderin anyqtaityn mańyzdy qujat bolyp tabylady.
Talqylaýlar nátijesinde májiliske qatysýshylarmen Elbasy Joldaýynan týyndaityn mindetterdi keshendi júzege asyrý sharalary ázirlendi.
.jpeg)