Qazaqstan Kásipodaqtar federatsiiasy aldaǵy Parlament Májilisi men máslihattar depýtattarynyń sailaýynda baiqaýshy bolatyn 7 myńnan astam azamattyń tizimin jasady. Federatsiia tóraǵasynyń orynbasary Nurlan Óteshevtiń aitýynsha, búkil sailaý protsesi zań sheńberinde ótýi kerek, dep habarlaidy QazAqparat.
«Búgin de Qazaqstan kásipodaqtar federatsiiasy sailaýdy partiialyq sipattan tys baqylaýdy daiyndaý isine aralasýda. Qazaqstannyń Azamattyq Aliansy jáne basqa da birqatar úkimettik emes uiym retinde biz óz tarapymyzdan daiyndyqqa da, sailaý kúni baqylaý protsesiniń júrgizilýine de qatysty materialdar daiyndaǵan beitarap baqylaý júiesin qurýdy bastadyq. Bul bizdiń kásipodaqtardyń oilastyrylǵan ustanymy. Biz úshin búkil sailaý protsesiniń zań sheńberinde ótkeni óte mańyzdy. Biz sailaý protsesterinen tys qala almaimyz, óitkeni biz úshin kásipodaqtar federatsiiasy músheleriniń, jumysshylardyń quqyǵy men múddesin qorǵaý mańyzdy», - dedi Nurlan Óteshev jýrnalisterge.
Onyń aitýynsha federatsiia búgingi tańda búkil Qazaqstan boiynsha 7 myńnan astam baiqaýshynyń tizimin jasaǵan.
«Biz baiqaýshy retinde eki negizgi missiiany aiqyndap aldyq. Birinshisi - respýblikalyq shtabtyń sailaýdy baiqaý jónindegi uzaq merzimdi missiiasy. Federatsiianyń mindeti - jumys berýshilerdiń qyzmetkerlerge qysym jasaýynyń aldyn alý. Iaǵni, úgit-nasihat jumysy arqyly partiialar jumysshylardyń tańdaýyna yqpal etpeýi kerek», - dedi Qazaqstan Kásipodaqtary federatsiiasy tóraǵasynyń orynbasary.
Nurlan Óteshev kez kelgen kemshilik, tiisti talaptardyń buzylý faktileri tirkeletinin aitady.
«Qazirdiń ózinde bizde ózderin sailaýǵa qatysamyz dep jariialaǵan saiasi partiialardyń ókilderimen kezdesýler ótip jatyr. Erteńnen bastap óz ustanymyn túsindirý úshin ár saiasi partiianyń ókilderin shaqyramyz. Biz ár tarapqa osy nemese basqa kandidatqa nemese partiiaǵa daýys berý úshin qysym kórgen azamattardyń ótinishteri men ótinishterin qabyldaitynymyzdy túsindirýge niettimiz», - dep eske saldy ol.
