قازاقستان كەسٸپوداقتار فەدەراتسيياسى الداعى پارلامەنت مەجٸلٸسٸ مەن مەسليحاتتار دەپۋتاتتارىنىڭ سايلاۋىندا بايقاۋشى بولاتىن 7 مىڭنان استام ازاماتتىڭ تٸزٸمٸن جاسادى. فەدەراتسييا تٶراعاسىنىڭ ورىنباسارى نۇرلان ٶتەشەۆتٸڭ ايتۋىنشا, بٷكٸل سايلاۋ پروتسەسٸ زاڭ شەڭبەرٸندە ٶتۋٸ كەرەك, دەپ حابارلايدى قازاقپارات.
«بٷگٸن دە قازاقستان كەسٸپوداقتار فەدەراتسيياسى سايلاۋدى پارتييالىق سيپاتتان تىس باقىلاۋدى دايىنداۋ ٸسٸنە ارالاسۋدا. قازاقستاننىڭ ازاماتتىق اليانسى جەنە باسقا دا بٸرقاتار ٷكٸمەتتٸك ەمەس ۇيىم رەتٸندە بٸز ٶز تاراپىمىزدان دايىندىققا دا, سايلاۋ كٷنٸ باقىلاۋ پروتسەسٸنٸڭ جٷرگٸزٸلۋٸنە دە قاتىستى ماتەريالدار دايىنداعان بەيتاراپ باقىلاۋ جٷيەسٸن قۇرۋدى باستادىق. بۇل بٸزدٸڭ كەسٸپوداقتاردىڭ ويلاستىرىلعان ۇستانىمى. بٸز ٷشٸن بٷكٸل سايلاۋ پروتسەسٸنٸڭ زاڭ شەڭبەرٸندە ٶتكەنٸ ٶتە ماڭىزدى. بٸز سايلاۋ پروتسەستەرٸنەن تىس قالا المايمىز, ٶيتكەنٸ بٸز ٷشٸن كەسٸپوداقتار فەدەراتسيياسى مٷشەلەرٸنٸڭ, جۇمىسشىلاردىڭ قۇقىعى مەن مٷددەسٸن قورعاۋ ماڭىزدى», - دەدٸ نۇرلان ٶتەشەۆ جۋرناليستەرگە.
ونىڭ ايتۋىنشا فەدەراتسييا بٷگٸنگٸ تاڭدا بٷكٸل قازاقستان بويىنشا 7 مىڭنان استام بايقاۋشىنىڭ تٸزٸمٸن جاساعان.
«بٸز بايقاۋشى رەتٸندە ەكٸ نەگٸزگٸ ميسسييانى ايقىنداپ الدىق. بٸرٸنشٸسٸ - رەسپۋبليكالىق شتابتىڭ سايلاۋدى بايقاۋ جٶنٸندەگٸ ۇزاق مەرزٸمدٸ ميسسيياسى. فەدەراتسييانىڭ مٸندەتٸ - جۇمىس بەرۋشٸلەردٸڭ قىزمەتكەرلەرگە قىسىم جاساۋىنىڭ الدىن الۋ. ياعني, ٷگٸت-ناسيحات جۇمىسى ارقىلى پارتييالار جۇمىسشىلاردىڭ تاڭداۋىنا ىقپال ەتپەۋٸ كەرەك», - دەدٸ قازاقستان كەسٸپوداقتارى فەدەراتسيياسى تٶراعاسىنىڭ ورىنباسارى.
نۇرلان ٶتەشەۆ كەز كەلگەن كەمشٸلٸك, تيٸستٸ تالاپتاردىڭ بۇزىلۋ فاكتٸلەرٸ تٸركەلەتٸنٸن ايتادى.
«قازٸردٸڭ ٶزٸندە بٸزدە ٶزدەرٸن سايلاۋعا قاتىسامىز دەپ جارييالاعان ساياسي پارتييالاردىڭ ٶكٸلدەرٸمەن كەزدەسۋلەر ٶتٸپ جاتىر. ەرتەڭنەن باستاپ ٶز ۇستانىمىن تٷسٸندٸرۋ ٷشٸن ەر ساياسي پارتييانىڭ ٶكٸلدەرٸن شاقىرامىز. بٸز ەر تاراپقا وسى نەمەسە باسقا كانديداتقا نەمەسە پارتيياعا داۋىس بەرۋ ٷشٸن قىسىم كٶرگەن ازاماتتاردىڭ ٶتٸنٸشتەرٸ مەن ٶتٸنٸشتەرٸن قابىلدايتىنىمىزدى تٷسٸندٸرۋگە نيەتتٸمٸز», - دەپ ەسكە سالدى ول.
