Qazaqstandyq Meiirim Nursultanov (13-0, 8 KO) Ekaterinbýrg qalasynda ótip jatqan kásipqoi boks keshinde jeńiske jetti, dep habarlaidy "Ult aqparat".
M.Nursultanov reseilik Ilia Balandinmen (4-3-1, 2 KO) ringke shyqty. Jekpe-jek týraly buǵan deiin habarlaǵan bolatynbyz.
Jekpe-jek barysynda buǵan deiin birde-bir ret jeńilip kórmegen Meiirim Nursultanov óz soqqylaryn kóbirek darytyp otyrdy. Ásirese, úshinshi raýndta qarsylasyn tyqsyryp, jekpe-jekti erte aiaqtaityndai kóringen. Biraq I.Balandin tolyq segiz raýnd boiy shydap baqty.
Tóreshilerdiń biraýyzdan sheshimimen jeńis M.Nursultanovqa berildi.
Osylaisha Meiirim kásipqoi bokstaǵy 14-inshi jeńisine qol jetkizdi.
Aita keteiik, Meiirim bir jyldan astam ýaqyt boiy ringke shyqpaǵan eken. Ol sońǵy jekpe-jegin 2019 jyly 2 qarashada Las-Vegasta (AQSh, Nevada shtaty) ótkizgen edi. Onda qazaqstandyq boksshy WBC (USNBC) versiiasy boiynsha aimaqtyq AQSh chempiony atanǵan bolatyn.
