قازاقستاندىق مەيٸرٸم نۇرسۇلتانوۆ (13-0, 8 كو) ەكاتەرينبۋرگ قالاسىندا ٶتٸپ جاتقان كەسٸپقوي بوكس كەشٸندە جەڭٸسكە جەتتٸ, دەپ حابارلايدى "ۇلت اقپارات".
م.نۇرسۇلتانوۆ رەسەيلٸك يليا بالاندينمەن (4-3-1, 2 كو) رينگكە شىقتى. جەكپە-جەك تۋرالى بۇعان دەيٸن حابارلاعان بولاتىنبىز.
جەكپە-جەك بارىسىندا بۇعان دەيٸن بٸردە-بٸر رەت جەڭٸلٸپ كٶرمەگەن مەيٸرٸم نۇرسۇلتانوۆ ٶز سوققىلارىن كٶبٸرەك دارىتىپ وتىردى. ەسٸرەسە, ٷشٸنشٸ راۋندتا قارسىلاسىن تىقسىرىپ, جەكپە-جەكتٸ ەرتە اياقتايتىنداي كٶرٸنگەن. بٸراق ي.بالاندين تولىق سەگٸز راۋند بويى شىداپ باقتى.
تٶرەشٸلەردٸڭ بٸراۋىزدان شەشٸمٸمەن جەڭٸس م.نۇرسۇلتانوۆقا بەرٸلدٸ.
وسىلايشا مەيٸرٸم كەسٸپقوي بوكستاعى 14-ٸنشٸ جەڭٸسٸنە قول جەتكٸزدٸ.
ايتا كەتەيٸك, مەيٸرٸم بٸر جىلدان استام ۋاقىت بويى رينگكە شىقپاعان ەكەن. ول سوڭعى جەكپە-جەگٸن 2019 جىلى 2 قاراشادا لاس-ۆەگاستا (اقش, نەۆادا شتاتى) ٶتكٸزگەن ەدٸ. وندا قازاقستاندىق بوكسشى WBC (USNBC) ۆەرسيياسى بويىنشا ايماقتىق اقش چەمپيونى اتانعان بولاتىن.
