Jańa normalar kvazimemlekettik sektordyń jekelegen sýbektileriniń satyp alýdaǵy biryńǵai júiesin qalyptastyrady. Bul týraly Parlament Senatynyń tóraǵasy Máýlen Áshimbaev málim etti, dep habarlaidy "Ult aqparat".
Aita keteiik, búgin palata depýtattary «Kvazimemlekettik sektordyń jekelegen sýbektileriniń satyp alýy týraly» Zańy men ilespe qujatty qabyldady
«Memlekettik qarjyny tiimdi jumsaý – asa mańyzdy másele. Memlekettik satyp alýdy, onyń ishinde kvazimemlekettik sektordyń alýyn tiimdi paidalanýdy pandemiiadan keiingi kezeńde ekonomikalyq básekelestikti qalpyna keltirýdiń tetigi retinde qarastyrǵan jón. Alaida osyǵan deiin ulttyq kompaniialar men memlekettik holdingterdiń satyp alýlary jalpy tártipten shyǵarylyp, óz erejeleri boiynsha júrgizilip keldi. Memleket basshysy bul máselelerdi sheshý úshin tiisti zańdy qabyldaýdy tapsyrǵan edi. Sonyń nátijesinde zańdar ázirlenip, qabyldanyp otyr»,- dep toqtaldy Senat tóraǵasy palatanyń jalpy otyrysynda.
Onyń paiymynsha, bul normalar kvazimemlekettik sektordyń jekelekegen sýbektileriniń satyp alýdaǵy biryńǵai júiesin qalyptastyrady.
«Zańdardy júzege asyrý satyp alý rásimderiniń tiimdiligi men ashyqtyǵyn arttyrýǵa jol ashady. Bul óz kezeginde sybailas jemqorlyq táýekelderin azaitady. Búgin qabyldanǵan zańdar aldaǵy ýaqytta elimizde qarajatty tiimdi paidalanýǵa, sondai-aq kásipkerlerge satyp alýlarǵa qatysý úshin teń múmkindikter berýge yqpal etedi dep senemiz», - dedi M. Áshimbaev.
