جاڭا نورمالار كۆازيمەملەكەتتٸك سەكتوردىڭ جەكەلەگەن سۋبەكتٸلەرٸنٸڭ ساتىپ الۋداعى بٸرىڭعاي جٷيەسٸن قالىپتاستىرادى. بۇل تۋرالى پارلامەنت سەناتىنىڭ تٶراعاسى مەۋلەن ەشٸمباەۆ مەلٸم ەتتٸ, دەپ حابارلايدى "ۇلت اقپارات".
ايتا كەتەيٸك, بٷگٸن پالاتا دەپۋتاتتارى «كۆازيمەملەكەتتٸك سەكتوردىڭ جەكەلەگەن سۋبەكتٸلەرٸنٸڭ ساتىپ الۋى تۋرالى» زاڭى مەن ٸلەسپە قۇجاتتى قابىلدادى
«مەملەكەتتٸك قارجىنى تيٸمدٸ جۇمساۋ – اسا ماڭىزدى مەسەلە. مەملەكەتتٸك ساتىپ الۋدى, ونىڭ ٸشٸندە كۆازيمەملەكەتتٸك سەكتوردىڭ الۋىن تيٸمدٸ پايدالانۋدى پاندەمييادان كەيٸنگٸ كەزەڭدە ەكونوميكالىق بەسەكەلەستٸكتٸ قالپىنا كەلتٸرۋدٸڭ تەتٸگٸ رەتٸندە قاراستىرعان جٶن. الايدا وسىعان دەيٸن ۇلتتىق كومپانييالار مەن مەملەكەتتٸك حولدينگتەردٸڭ ساتىپ الۋلارى جالپى تەرتٸپتەن شىعارىلىپ, ٶز ەرەجەلەرٸ بويىنشا جٷرگٸزٸلٸپ كەلدٸ. مەملەكەت باسشىسى بۇل مەسەلەلەردٸ شەشۋ ٷشٸن تيٸستٸ زاڭدى قابىلداۋدى تاپسىرعان ەدٸ. سونىڭ نەتيجەسٸندە زاڭدار ەزٸرلەنٸپ, قابىلدانىپ وتىر»,- دەپ توقتالدى سەنات تٶراعاسى پالاتانىڭ جالپى وتىرىسىندا.
ونىڭ پايىمىنشا, بۇل نورمالار كۆازيمەملەكەتتٸك سەكتوردىڭ جەكەلەكەگەن سۋبەكتٸلەرٸنٸڭ ساتىپ الۋداعى بٸرىڭعاي جٷيەسٸن قالىپتاستىرادى.
«زاڭداردى جٷزەگە اسىرۋ ساتىپ الۋ رەسٸمدەرٸنٸڭ تيٸمدٸلٸگٸ مەن اشىقتىعىن ارتتىرۋعا جول اشادى. بۇل ٶز كەزەگٸندە سىبايلاس جەمقورلىق تەۋەكەلدەرٸن ازايتادى. بٷگٸن قابىلدانعان زاڭدار الداعى ۋاقىتتا ەلٸمٸزدە قاراجاتتى تيٸمدٸ پايدالانۋعا, سونداي-اق كەسٸپكەرلەرگە ساتىپ الۋلارعا قاتىسۋ ٷشٸن تەڭ مٷمكٸندٸكتەر بەرۋگە ىقپال ەتەدٸ دەپ سەنەمٸز», - دەدٸ م. ەشٸمباەۆ.
