Kentaý qalalyq ákimdiginde "Atameken" UKP OQO jergilikti filialynyń jyl boiy atqarǵan jumystarynyń esebi tyńdaldy. Qala ákimi Ábdibaqyt Maqulbaev tóraǵalyq etken jiynǵa «Atameken» UKP OQO filialy direktorynyń orynbasarlary Qairat Anekeev pen Daniiar Dármen, qalalyq máslihat hatshysy Talǵat Balabiev jáne qala kásipkerleri men sala mamandary qatysty, dep habarlaidy Ult.kz tilshisi.
Jiynǵa qatysýshy kópshilik qalalyq filial mamandarynyń atqarǵan jumystaryn arnaiy beinerolik arqyly tamashalady. Baiypty baiandama jasaǵan «Atameken» UKP OQO Kentaý qalalyq filialynyń direktory Murat Sadýov qalada kásipkerlerdi qoldaý aiasynda júzege asyp jatqan istermen tanystyrdy.
- 2017 jylydyń 9 aiynda Kentaý qalasy jáne eldi mekenderde “Nur Otan” partiiasymen birlesip halyqty jumyspen qamtý jáne kásipkerlikke baýlý maqsatyndy jiyndar ótkizildi. OQO Kentaý qalalyq prokýratýrasymen birlese kásipkerlikke kedergi keltiretin máseleler boiynsha eldi mekenderde kezdesýler uiymdastyryldy. Aǵymdaǵy jyly qabyldanǵan "Nátijeli jumyspen qamtý jáne jappai kásipkerlikti damytýdyń 2017-2021 jyldardaǵy baǵdarlamasyn" túsindirý maqsatynda, qarjy uiymdarymen birlesip túsindirme jumystary júrgizilýde. Júieli túrde qala jáne aýyl kásipkerlerimen týyndaǵan máseler boiynsha kezdesýler ótkizilip, onyń sheshý joldary talqylanyp otyrady. Mamyr aiynda qala ákimshiliginiń baspasóz ortalyǵynda Kentaý qalalyq kásipkerler palatasy filialynyń bes aida atqarǵan jumystary jaily jáne aldaǵy atqarylar isterdiń esebi berildi, - dedi Murat Nuralyuly.
Sondai-aq, kásipkerlerdiń quqyǵyn qorǵaý, kásipkerler jobalaryn súiemeldeý jáne qarjylyq emes kómek kórsetý, mindetti jarnalyq tólemder jasaǵan kásipkerlik sýbektileri, indýstrialdy aimaqta júzege asyp jatqan jobalar boiynsha keń kólemdi málimetter berdi. Kentaý qalasy kásipkerlerimen kezdesý barysynda oryn alyp otyrǵan máseleler men usynystar jaiynda aityp ótti. Kezdesý ashyq áńgime barysymen ulasty. Kásipkerler suraq qoiyp, sala mamandarynan qanaǵattanarlyq jaýaptar aldy.
«Atameken» ulttyq kásipkerlik palatasy Ońtústik Qazaqstan oblystyq filialy direktorynyń orynbasarlary Qairat Anekeev pen Dármen Daniiar usynystardyń da eskeriletindigin jetkizdi. Memlekettik baǵdarlamalar boiynsha nesielendirý, qoldaý kórsetý barysyn túsindirdi.
Jiyndy qorytyndylaǵan qala ákimi Ábdibaqyt Maqulbaev turǵyndar tarapynan týyndaǵan sýarmaly jer, sýarmaly sý jaǵdaiy boiynsha jáne taǵy basqa da suraqtarǵa jaýap berdi. Kezdesýde kásipkerler «Atameken» UKP OQO Kentaý qalalyq filialynyń atqaryp jatqan jumystaryn joǵary baǵalady.
