Foto: www.independent.co.uk
Almaty oblysynyń aýmaǵynda birqatar alaiaqtyq áreketter jasaǵan kúdikti Qyrǵyz Respýblikasynan ekstraditsiialandy, dep habarlady bas prokýratýra.
Tergeý barysynda 2019–2022 jyldar aralyǵynda qaskúnemniń aldyn ala sóz bailasý arqyly ózge adamdarmen birge óńirdegi eń iri azyq-túlik bazarlarynyń birinde saýda býtikterin satý syltaýymen azamattardy júieli túrde aldap kelgeni anyqtaldy.
"Alaiaqtyq áreketteriniń nátijesinde ol 11 kásipkerdiń jalpy 126 million teńge kólemindegi qarajatyn iemdengen", - dep jazylǵan habarlamada.
Qylmystardy jasaǵannan keiin kúdikti quqyq qorǵaý organdarynan jasyrynyp, oǵan halyqaralyq izdeý jariialanǵan.
Qazaqstan men Qyrǵyzstannyń quzyretti organdarynyń ózara tiimdi is-qimylynyń nátijesinde biylǵy tamyz aiynda ol Bishkek qalasynda ustaldy. Qazaqstan Respýblikasy Bas prokýratýrasynyń resmi suraýy negizinde ol qylmystyq jaýaptylyqqa tartý úshin belgilengen tártippen eline ekstraditsiialandy.
Qazirgi ýaqytta kúdikti tergeý izoliatoryna qamaldy. Qylmystyq zańmen aiyptalǵan áreket úshin múlki tárkilenip, 5 jyldan 10 jylǵa deiingi merzimge bas bostandyǵynan aiyrý jazasy qarastyrylǵan.
