Elimizde elektrondy saýda naryǵynda kásipkerler úshin birqatar jeńildikter jasalyp jatyr.
Onlain-saýdany júzege asyrýshy kásipkerlerge korporativtik tabys salyǵy jáne jeke tabys salyǵy boiynsha jeńildikter jasalady. Bul týraly QR Salyq kodeksinde qarastyrylǵan.
Otandyq BAQ habarlaǵandai, taýarlardy satý boiynsha mámileler elektrondy formatta júzege assa, taýar qunyn tóleý qolma-qol aqshasyz tólense nemese taýar tasymaldaý, kýrerlik qyzmet boiynsha kelisim-shart bolǵan jaǵdaida arnaiy jeńildikter jasalady. Iaǵni, korporativtik tabys salyǵy 2 ese azaiady (2-den 1%-ǵa deiin).
Mundai jeńildik alý úshin elektrondy saýdadan túsetin kiris jyldyq kiristiń keminde 90 paiyzyn quraýy tiis. Bul sharttar saqtalmaǵan jaǵdaida salyq tóleýshi kórsetilgen jeńildikti alý múmkindiginen aiyrylady.
Onlain-saýda sýbektileri atalǵan jeńildikti alý úshin eń aldymen jeke kásipker retinde nemese zańdy tulǵa retinde tirkeý esebine turý qajet. Odan keiin memlekettik kirister organdaryna belgili bir qyzmet túrimen ainalysatyn salyq tóleýshi retinde qyzmet bastaǵany nemese toqtatylǵandyǵy týraly habarlama jiberedi.
Salyq tóleýshiniń habarlamasyn negizge ala otyryp, ekinshi deńgeili bankter men bank operatsiialarynyń jekelegen túrlerin júzege asyratyn uiymdar, taýarlardy elektrondy saýda arqyly ótkizý, tasymaldaý, jetkizý boiynsha qyzmetti júzege asyratyn tulǵalar, sondai-aq salyq tóleýshimen eseptelgen elektrondy shot-faktýralar avtomattandyrylǵan baqylaý kamerasy boiynsha zańǵa sáikes júzege asatyn bolady.
Aita ketsek, «Tsifrlyq Qazaqstan» memlekettik baǵdarlamasynda eldegi elektrondy saýdany damytý úshin qoldanystaǵy kedergilerdi joiý, sondai-aq jergilikti oiynshylardyń básekege qabilettiligin arttyrýǵa baǵyttalǵan aýqymdy sharalar keshenin iske asyrý qarastyrylǵan.
