Ulttyq ekonomka ministrligi salyq zańnamasyna engizilgen túzetýlerdiń artyqshylyqtaryn atady, dep habarlaidy "Ult aqparat".
24 maýsymda «Salyq jáne biýdjetke tólenetin basqa da mindetti tólemder týraly» Qazaqstan Respýblikasynyń kodeksine jáne «Salyq jáne biýdjetke tólenetin basqa da mindetti tólemder týraly» Qazaqstan Respýblikasynyń Kodeksin qoldanysqa engizý týraly» Zańǵa ózgerister men tolyqtyrýlar engizý týraly» Qazaqstan Respýblikasynyń Zańyna qol qoiǵan bolatyn.
Ulttyq ekonomika ministrliginiń baspasóz qyzmeti taratqan málimetke súiensek, zańda pandemiiadan týyndaǵan shekteý sharalary kezeńinde biznesti qoldaýǵa, salyq mindettemeleriniń oryndalýyn jeńildetýge jáne iskerlik belsendilikti yntalandyrýǵa baǵyttalǵan ózgerister bar.
«Jańa tirkelgen biznes kásiporyndary úshin óz ónimderin ótkizý kezinde qosylǵan qun salyqty 70%-ǵa tómendetý siiaqty salyq jeńildikteri kózdelgen. Bul jeńildik zańdy tulǵa tirkelgen sátten bastap eki jyl boiy qoldanýǵa bolady», - dep jazylǵan resmi málimette.
Al óndeý ónerkásibindegi shaǵyn biznes nysandaryn jańa negizgi qorlarǵa qaita investitsiialanǵan jaǵdaida alynǵan tabystan korporativtik tabys salyǵynan bosatý kózdelgen. Bul investitsiialyq ahýaldy jaqsartýǵa jáne óńdeý ónerkásibin damytýǵa múmkindik beredi degen boljam bar.
«Sondai-aq, zańda pandemiiaǵa bailanysty tekserý men emdeýdi qosa alǵanda, sanitariialyq-epidemiologiialyq, sanitariialyq-profilaktikalyq is-sharalardy uiymdastyrýǵa jáne júrgizýge jumys berýshiniń shyǵyny boiynsha qyzmetkerdi tabys salyǵynan bosatatyn normalar bar. Jańa engizilimderdiń biri mobildik qosymshany paidalaný arqyly arnaiy salyq rejimin engizý bolyp tabylady. Ol salyq tóleýshiniń qyzmetin tirkeýdi, toqtatýyn jáne salyq mindettemelerin oryndaýyn jeńildetýge múmkindik beredi», - delingen ministrliktiń málimetinde.
