Foto: pexels
QMA Ishki qaýipsizdik departamenti elordalyq ekonomikalyq tergep-tekserý departamentimen birlesip ózin fiskaldyq organdardyń qyzmetkeri retinde tanystyryp, kásipkerlerdi oidan shyǵarylǵan qamqorlyq úshin zańsyz syiaqy berýge májbúrlegen azamatty ustady, dep habarlaidy "Ult aqparat" Qarjylyq montoring agenttigine silteme jasap.
Júrgizilip jatqan tergeý materialdaryna sáikes, atalǵan azamat kásipkerge moraldyq qysym kórsetip, odan 300 myń teńge aqsha talap etken. Bul jait messendjerdegi habarlama jáne aýdiojazbalarmen rastalady.
"Jalǵan qyzmetker qajetti somanyń ekinshi jartysyn alý kezinde paramen ustaldy. Qazir tergeý amaldary júrgizilip jatyr.
QR QPK 201-babynyń talaptaryna sáikes tergeý múddesindegi ózge de málimetter jariia etilýge jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi" - delingen habarlamada.
