Sýret ashyq derekkózden alyndy
Ulytaý oblysynda kásipkerden 20 mln teńge talap etken bopsalaýshylar toby sottaldy, – dep habarlaidy Polisia.kz.
Ulytaý oblysy Sátbaev qalasynyń politsiia bólimine 36 jastaǵy kásipker aryzdandy. Onyń aitýynsha, belgisiz adamdar ony páterge aldap shaqyryp, kúsh kórsetip aqsha bopsalaǵan.
Osy fakt boiynsha Qylmystyq kodekstiń 194-baby jáne Qylmystyq kodekstiń 192-baby boiynsha sotqa deiingi tergeý bastaldy.
Jedel-izdestirý is-sharalary barysynda oblystyq PD uiymdasqan qylmysqa qarsy kúres basqarmasynyń qyzmetkerleri 43 jáne 27 jastaǵy er adamdardy, sondai-aq 31 jastaǵy áieldi ustady. Tergeý barysynda olardyń qylmys jasaǵan kezde ózara rólderdi bóliskeni anyqtaldy.
Atap aitqanda, áiel kezdeisoq tanysýdy uiymdastyryp, jábirlenýshini seriktesteri jasyrynyp otyrǵan páterge shaqyrǵan. Páterde jasyrynyp otyrǵan qalǵandary maska men qolǵap kiip, jábirlenýshige shabýyl jasap, ony bailap, zorlyq-zombylyq kórsetip, odan 20 mln teńge talap etedi. Josparlarynan nátije shyqpaǵan soń, bopsalaýshylar jábirlenýshininiń barsetkasynan 70 myń teńge alyp, qylmys ornynan qashyp ketken.
Ulytaý oblysynyń qylmystyq ister jónindegi aýdanaralyq mamandandyrylǵan sotynyń úkimimen er adamdar 10 jáne 9 jylǵa bas bostandyǵynan aiyryldy, al áiel adam 7 jylǵa sottaldy.
