Telejúrgizýshi Dinara Sátjannyń joldasy, millioner Jumabek Janyqulov burynǵy jary Janna Janyqulovanyń áleýmettik jelide ózine taqqan aiyptaýlaryna qatysty alǵash ret pikir bildirdi, dep habarlaidy ult.kz.
Buǵan deiin kásipkerdiń eks-jubaiy Almaty qalasynyń iývenaldy sotynda neke sharty men aliment tóleý týraly kelisimdi jaramsyz dep taný boiynsha sot protsesi júrip jatqanyn jariialaǵan edi. Óz kezeginde Jumabek Janyqulov kez kelgen túsinispeýshilik halyq aldynda emes, tek zań sheńberinde sheshilýi kerek dep esepteidi. Onyń sózinshe, daý týdyrǵan qujattarǵa osydan úsh jyldan astam ýaqyt buryn qos taraptyń zańgerleri qatysyp, maquldaýymen qol qoiylǵan, sondyqtan ol qazirgi ýaqytta tek sottyń resmi sheshimin kútedi. Sondai-aq biznesmen ortaq balalary men burynǵy áieliniń aldyndaǵy barlyq mindettemelerin búgingi kúnge deiin tolyq oryndap kele jatqanyna senimdi.
«Ózime alǵan mindettemelerim úshin uialmaimyn», — dep jazdy ol áleýmettik jelidegi paraqshasynda.
Al Janna Janyqulovanyń ýáji múldem bólek: ol otbasynyń buzylýyna kúieýiniń «turaqty túrde kózge shóp salýy» (opasyzdyǵy) sebep bolǵanyn alǵa tartýda. Sonymen qatar ol eks-kúieýiniń tabysy tek bir ǵana kompaniiasy boiynsha 20 milliard teńgeden asatynyn aityp, sot pen qalyń buqarany bul isti erekshe baqylaýǵa alýǵa shaqyrdy.
Anyqtama retinde aita ketsek, Jumabek Janyqulov 2022 jyly Forbes nusqasy boiynsha Qazaqstandaǵy eń yqpaldy 50 kásipkerdiń qataryna engen, al 2025 jyly tanymal telejúrgizýshi Dinara Sátjanmen shańyraq kótergen bolatyn.
