تەلەجٷرگٸزۋشٸ دينارا سەتجاننىڭ جولداسى, ميلليونەر جۇمابەك جانىقۇلوۆ بۇرىنعى جارى جاننا جانىقۇلوۆانىڭ ەلەۋمەتتٸك جەلٸدە ٶزٸنە تاققان ايىپتاۋلارىنا قاتىستى العاش رەت پٸكٸر بٸلدٸردٸ, دەپ حابارلايدى ult.kz.
بۇعان دەيٸن كەسٸپكەردٸڭ ەكس-جۇبايى الماتى قالاسىنىڭ يۋۆەنالدى سوتىندا نەكە شارتى مەن اليمەنت تٶلەۋ تۋرالى كەلٸسٸمدٸ جارامسىز دەپ تانۋ بويىنشا سوت پروتسەسٸ جٷرٸپ جاتقانىن جارييالاعان ەدٸ. ٶز كەزەگٸندە جۇمابەك جانىقۇلوۆ كەز كەلگەن تٷسٸنٸسپەۋشٸلٸك حالىق الدىندا ەمەس, تەك زاڭ شەڭبەرٸندە شەشٸلۋٸ كەرەك دەپ ەسەپتەيدٸ. ونىڭ سٶزٸنشە, داۋ تۋدىرعان قۇجاتتارعا وسىدان ٷش جىلدان استام ۋاقىت بۇرىن قوس تاراپتىڭ زاڭگەرلەرٸ قاتىسىپ, ماقۇلداۋىمەن قول قويىلعان, سوندىقتان ول قازٸرگٸ ۋاقىتتا تەك سوتتىڭ رەسمي شەشٸمٸن كٷتەدٸ. سونداي-اق بيزنەسمەن ورتاق بالالارى مەن بۇرىنعى ەيەلٸنٸڭ الدىنداعى بارلىق مٸندەتتەمەلەرٸن بٷگٸنگٸ كٷنگە دەيٸن تولىق ورىنداپ كەلە جاتقانىنا سەنٸمدٸ.
«ٶزٸمە العان مٸندەتتەمەلەرٸم ٷشٸن ۇيالمايمىن», — دەپ جازدى ول ەلەۋمەتتٸك جەلٸدەگٸ پاراقشاسىندا.
ال جاننا جانىقۇلوۆانىڭ ۋەجٸ مٷلدەم بٶلەك: ول وتباسىنىڭ بۇزىلۋىنا كٷيەۋٸنٸڭ «تۇراقتى تٷردە كٶزگە شٶپ سالۋى» (وپاسىزدىعى) سەبەپ بولعانىن العا تارتۋدا. سونىمەن قاتار ول ەكس-كٷيەۋٸنٸڭ تابىسى تەك بٸر عانا كومپانيياسى بويىنشا 20 ميلليارد تەڭگەدەن اساتىنىن ايتىپ, سوت پەن قالىڭ بۇقارانى بۇل ٸستٸ ەرەكشە باقىلاۋعا الۋعا شاقىردى.
انىقتاما رەتٸندە ايتا كەتسەك, جۇمابەك جانىقۇلوۆ 2022 جىلى Forbes نۇسقاسى بويىنشا قازاقستانداعى ەڭ ىقپالدى 50 كەسٸپكەردٸڭ قاتارىنا ەنگەن, ال 2025 جىلى تانىمال تەلەجٷرگٸزۋشٸ دينارا سەتجانمەن شاڭىراق كٶتەرگەن بولاتىن.
