Foto: depositphotos
QMA Ulytaý oblystyq departamenti jer qoinaýyn zańsyz paidalanyp, qylmystyq tabysty zańdastyryp paida tapqan jergilikti kásipkerge qatysty aiyptaý úkimin shyǵardy, dep habarlaidy Ult.kz.
Kúdikti 2020-2023 jyldar aralyǵynda «Shyǵys Qarajal» karerinen marganets rýdasyn litsenziia men jer qoinaýyn paidalaný kelisimsharty joq bolǵan kúide zańsyz óndirgen.
Nátijesinde, alynǵan rýdanyń kólemi 16 myń tonna bolsa, al memleketke kelgen shyǵyn 1,1 milliard teńgeden asty.
"Qylmystyq tabysty zańdastyrý maqsatynda ol jalǵan kelisimder jasap, ózine baqylaýdaǵy jaýapkershiligi shekteýli seriktestikter arqyly óńdelgen temir-marganets rýdasyn elimizde jáne Resei Federatsiiasynda satqan. Saýdanyń nátijesinde qylmystyq tabys 3,5 milliard teńgeden asty", - delingen habarlamada.
Sot úkimimen ol kináli dep tanylyp, 6 jyl 8 aiǵa bas bostandyǵynan aiyrý jazasyna kesildi.
Sondai-aq onyń 97,8 million teńgege baǵalanǵan múlki, sonyń ishinde 5 avtokólik pen aýyl sharýashylyǵy qojalyǵy tárkilendi.
Sot úkimi zańdy kúshine engen joq.
