Belgili kásipker, Ulttyq quryltai múshesi Syrymbek Taý jańadan qurylǵan oblystardy damytý týraly usynys aitty, dep habarlaidy QazAqparat.
«Men jańadan qurylǵan 3 oblysqa bir-bir usynys jasar edim. Bir oblysymyzdy Bilim oblysy qylyp, álemniń ozyq ýniversitetterin osy jerge ashsaq. Ekinshi bir oblysymyzdy Densaýlyq oblysy qylyp, úzdik aýrýhanaldy ákep sonda ornatsaq. Qazir bilesizder kóptegen qazaqstandyqtar muqtajdyqtan shetelge baryp emdelýde», - dedi quryltai múshesi.
Sondai-aq ol Ulytaýda shaǵyn jáne orta óndiristi damytýdy usyndy.
«Úshinshiden, osy Ulytaý oblysyndaǵy bir aýdandy nemese bir qalany ekonomikalyq erkin aýmaqqa ainaldyrsaq. Ony 2025 jylǵa deiin salyqtan bosatyp, kásipkerlerdi jappai osynda shaqyryp, kishi jáne orta óndiristerdi kóbeitsek dep oilaimyn», - dedi kásipker.
Aita keteiik, Prezident Ulytaý oblysyndaǵy jumys sapary aiasynda Ulttyq quryltaidyń alǵashqy otyrysyna qatysyp jatyr.
Keshe Memleket basshysynyń Ulttyq quryltai qurý týraly Jarlyǵy jariialandy.
Ulttyq quryltaidyń qazirgi quramynda Májilis depýtattary men QHA múshelerinen, azamattyq qoǵam men saiasi partiia ókilderinen, sarapshylar men óńirlerdegi qoǵamdyq keńes múshelerinen, kásipkerlerden jasaqtalǵan 117 adam bar.
