Parlament Májilisi «QR Eńbek kodeksine qashyqtyqtan jumys isteýdi quqyqtyq retteýdi jetildirý máseleleri boiynsha ózgerister men tolyqtyrýlar engizý týraly» zań jobasyn talqylaýdy bastady, dep habarlaidy QazAqparat.
Májilistiń jalpy otyrysynda atalǵan zań jobasyna Parlament depýtattary bastamashylyq etkeni aityldy.
«Qazirgi kezde qyzmetkerlerdi qashyqtan jumys isteýge aýystyrý tájiribesi eńbek zańnamasyn jetildirý qajettiligin kórsetti. Osyǵan bailanysty zań jobasy qashyqtan jumys isteýge bailanysty eńbek qatynastaryn retteýdi kózdeidi. Ýaqytsha jáne aralas jumys, jumys kestesin, jumys ýaqytyn, qyzmetker men jumys berýshiniń jaýapkershiligin belgileý siiaqty jańa jumys rejimderin engizý usynylady», - dedi Májilistiń Áleýmettik-mádeni damý komitetiniń tóraiymy, depýtat Jámilá Nurmanbetova.
Onyń aitýynsha, jalpy alǵanda, zań jobasynyń qoldanylýymen oń quqyqtyq jáne áleýmettik-ekonomikalyq saldarlar kútiledi.
«Komitet zań jobasy boiynsha 2021 jylǵy 22 jeltoqsanǵa deiingi merzimde qorytyndy ázirleýge daiyn», - dedi J. Nurmanbetova.
