QR Bilim jáne ǵylym vitse-ministri Sholpan Karinova qashyqtan oqytý kezinde bastaýysh synyp oqýshylaryna ata-ananyń qoldaýy kerektigin aitty, dep habarlaidy "Ult aqparat".
«Tórtinshi toqsandy qashyqtan oqytýǵa bailanysty balaǵa birinshi apta qiyn bolatyny túsinikti. Osy jaǵdaida balaǵa ata-ananyń qoldaýy óte qajet. Sondyqtan ata-ana balasyna qolaily jaǵdai jasap, ústeli men oqý quraldaryn birge daiarlap, emotsiialyq ári psihologiialyq jaǵynan kómektesýi kerek. Kóbine bastaýysh jáne orta býyn oqýshylaryna eresekter óz tarapynan qoldaý jasaýy tiis», - dedi vitse-ministr onlain brifingide.
Sonymen qatar Sholpan Karinova qashyqtan oqytý kezinde búgin tańerteń bastaýysh synyp oqýshylary bilim berý júielerin belsendi paidalanǵanyn aitty.
