Mektep oqýshylaryna arnalǵan telesabaqtardyń kestesi 5 sáýirge deiingi aralyqta beriledi. QR Bilim jáne ǵylym vitse-ministri Sholpan Karinova onlain brifingide osylai málim etti, dep habarlaidy QazAqparat.
Brifing barysynda qashyqtan oqytý aiasynda sabaq kestesi qashan beriletindigi suraldy.
«Telearnada beriletin sabaqtardyń barlyǵyn búginde muǵalimder túsirip jatyr. Bul da - ustazdar úshin úlken bir jańa jumys. Óitkeni 40 minýt sabaq barysynda oqýshylardy oqytý bir basqa, al teleformatta sabaq ótkizý budan bólek. Árine, jańa format muǵalimder úshin qiynshylyq týǵyzady, 40 minýttyq sabaqty 10 minýtqa syiǵyzyp, sabaqtyń toqeterin aita bilý muǵalimnen úlken sheberlikti talap etedi», - dep toqtaldy Sh. Karinova.
Onyń sózine qaraǵanda, taiaý kúnderi qashyqtan oqytýǵa negizdelgen sabaq kestesi oqýshylarǵa beriledi.
«Osy telesabaqtardyń kestesi 5 sáýirge deiingi aralyqta, iaǵni IV toqsan bastalǵanǵa deiin barlyq ata-analar men oqýshylarǵa tolyq jetkiziletin bolady. Qazir osy keste qurylýda. Naqty tańerteń saǵat 9:00-den bastalady jáne synyptar boiynsha ýaqyty belgilenedi. Al endi mektepterdegi kestege toqtaityn bolsaq, mektepterdegi jasalatyn keste árbir jaǵdaidy eskerip, ártúrli bolady. Mektep aldy daiarlyq synybyndaǵy oqýshylarǵa jáne 1-9 synyp oqýshylaryna tańerteń bastalady, 10-11 synyptaǵy balalalarǵa saǵat 14:00-den keiin bastalady. Jalpy, osy format ishinde árbir mektep óziniń internetke qosylý jaǵdaiyna, muǵalimderdiń jaǵdaiyna bailanysty ózderine qolaily kesteni jasaidy», - dedi vitse-ministr.
