Elorda mektepterinde bilim alatyn 1-4 synyp oqýshylaryn tamaqtandyrý úshin 2020 jylǵa 5 mlrd 200 mln teńge bólingen. Bul týraly Nur-Sultan qalalyq bilim basqarmasynyń basshysy Sholpan aitty, dep habarlaidy "Ult aqparat".
«2020 jylǵa arnalǵan biýdjette 1-4 synyp oqýshylarynyń tamaqtanýyn uiymdastyrý úshin 5 mlrd 200 mln teńge somasynda qarjy qarastyrylǵandyǵyn túsindire keteiin. Ótken oqý jylynyń 4-toqsanynda oqýshylardy tamaqtandyrý boiynsha únemdelgen 1 mlrd 600 mln teńge qashyqtan oqytýdy uiymdastyrýǵa qaitadan bólindi. Onyń ishinde kompiýterlik tehnika satyp alýǵa, internet bailanysy, sonymen qatar barlyq bilim berý uiymdaryna beine baqylaý kameralaryn ornatýǵa jumsaldy», - dedi ol elorda ákimdiginde ótken baspasóz máslihatynda.
Onyń naqtylai túsýinshe, atalǵan qarjyǵa 5 200 roýter, 2 613 kompiýterlik tehnika satyp alynyp, bilim berý uiymdaryna beine baqylaý kameralary ornatylǵan.
