ەلوردا مەكتەپتەرٸندە بٸلٸم الاتىن 1-4 سىنىپ وقۋشىلارىن تاماقتاندىرۋ ٷشٸن 2020 جىلعا 5 ملرد 200 ملن تەڭگە بٶلٸنگەن. بۇل تۋرالى نۇر-سۇلتان قالالىق بٸلٸم باسقارماسىنىڭ باسشىسى شولپان ايتتى, دەپ حابارلايدى "ۇلت اقپارات".
«2020 جىلعا ارنالعان بيۋدجەتتە 1-4 سىنىپ وقۋشىلارىنىڭ تاماقتانۋىن ۇيىمداستىرۋ ٷشٸن 5 ملرد 200 ملن تەڭگە سوماسىندا قارجى قاراستىرىلعاندىعىن تٷسٸندٸرە كەتەيٸن. ٶتكەن وقۋ جىلىنىڭ 4-توقسانىندا وقۋشىلاردى تاماقتاندىرۋ بويىنشا ٷنەمدەلگەن 1 ملرد 600 ملن تەڭگە قاشىقتان وقىتۋدى ۇيىمداستىرۋعا قايتادان بٶلٸندٸ. ونىڭ ٸشٸندە كومپيۋتەرلٸك تەحنيكا ساتىپ الۋعا, ينتەرنەت بايلانىسى, سونىمەن قاتار بارلىق بٸلٸم بەرۋ ۇيىمدارىنا بەينە باقىلاۋ كامەرالارىن ورناتۋعا جۇمسالدى», - دەدٸ ول ەلوردا ەكٸمدٸگٸندە ٶتكەن باسپاسٶز مەسليحاتىندا.
ونىڭ ناقتىلاي تٷسۋٸنشە, اتالعان قارجىعا 5 200 روۋتەر, 2 613 كومپيۋتەرلٸك تەحنيكا ساتىپ الىنىپ, بٸلٸم بەرۋ ۇيىمدارىنا بەينە باقىلاۋ كامەرالارى ورناتىلعان.
