QR Bilim jáne ǵylym ministri Ashat Aimaǵambetov qashyqtan oqý kezinde ustazdardyń oqýshylarǵa úi tapsyrmasyn berýine qatysty ustanymyn aitty, dep habarlaidy "Ult aqparat".
«Shynymen bul máselege qatysty kóp saýal bar. Bala dástúrli formatta oqyǵan kezde onyń mektep bilim alatyndyǵy, synypta sabaq barysynda belgili bir tapsyrma beriletindigi túsinikti. Ol ony oryndaidy, pedagogtyń saýaldaryna jaýap beredi. Jumys osylai júrgiziledi. Sodan keiin qaitalaý úshin úi tapsyrmasy qosymsha berilip otyratyn»,- dedi ministr Ortalyq kommýnikatsiialar qyzmetindegi baspasóz máslihatynda BAQ ókilderiniń saýalyna orai.
Onyń túsindirýinshe, qashyqtan oqytý kezinde bala úiinde otyryp bilim alady.
«Bala úide otyryp istegen oqý tapsyrmasyn jeke berip, onyń ústine qaitadan eki ese kólemde úi tapsyrmasyn berý maqsatqa sai bolmaidy. Sondyqtan balalarǵa júktemeni kóbeitpeýdi jón kórdik. Ózge elderde osyndai úlgi de, zertteýler de bar. Solardyń negizinde ádistemelik usynym jasadyq. Biz oqý jáne úi tapsyrmasy dep bólý joq ekendigin aityp otyrmyz. Tek oqý tapsyrmasy ǵana bar. Olar úide otyryp oqyǵan dúnieni úige tapsyrma retinde beredi. Tapsyrma kólemi biz usynǵan shekten aspaýy tiis», - dedi Ashat Aimaǵambetov.
