قر بٸلٸم جەنە عىلىم مينيسترٸ اسحات ايماعامبەتوۆ قاشىقتان وقۋ كەزٸندە ۇستازداردىڭ وقۋشىلارعا ٷي تاپسىرماسىن بەرۋٸنە قاتىستى ۇستانىمىن ايتتى, دەپ حابارلايدى "ۇلت اقپارات".
«شىنىمەن بۇل مەسەلەگە قاتىستى كٶپ ساۋال بار. بالا دەستٷرلٸ فورماتتا وقىعان كەزدە ونىڭ مەكتەپ بٸلٸم الاتىندىعى, سىنىپتا ساباق بارىسىندا بەلگٸلٸ بٸر تاپسىرما بەرٸلەتٸندٸگٸ تٷسٸنٸكتٸ. ول ونى ورىندايدى, پەداگوگتىڭ ساۋالدارىنا جاۋاپ بەرەدٸ. جۇمىس وسىلاي جٷرگٸزٸلەدٸ. سودان كەيٸن قايتالاۋ ٷشٸن ٷي تاپسىرماسى قوسىمشا بەرٸلٸپ وتىراتىن»,- دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا باق ٶكٸلدەرٸنٸڭ ساۋالىنا وراي.
ونىڭ تٷسٸندٸرۋٸنشە, قاشىقتان وقىتۋ كەزٸندە بالا ٷيٸندە وتىرىپ بٸلٸم الادى.
«بالا ٷيدە وتىرىپ ٸستەگەن وقۋ تاپسىرماسىن جەكە بەرٸپ, ونىڭ ٷستٸنە قايتادان ەكٸ ەسە كٶلەمدە ٷي تاپسىرماسىن بەرۋ ماقساتقا ساي بولمايدى. سوندىقتان بالالارعا جٷكتەمەنٸ كٶبەيتپەۋدٸ جٶن كٶردٸك. ٶزگە ەلدەردە وسىنداي ٷلگٸ دە, زەرتتەۋلەر دە بار. سولاردىڭ نەگٸزٸندە ەدٸستەمەلٸك ۇسىنىم جاسادىق. بٸز وقۋ جەنە ٷي تاپسىرماسى دەپ بٶلۋ جوق ەكەندٸگٸن ايتىپ وتىرمىز. تەك وقۋ تاپسىرماسى عانا بار. ولار ٷيدە وتىرىپ وقىعان دٷنيەنٸ ٷيگە تاپسىرما رەتٸندە بەرەدٸ. تاپسىرما كٶلەمٸ بٸز ۇسىنعان شەكتەن اسپاۋى تيٸس», - دەدٸ اسحات ايماعامبەتوۆ.
