Foto: kcp.kz
Qashaǵanda óndirilgen munaidyń bir bóligi Qytaiǵa satylady. Qazaqstan jeltoqsanda Qytaiǵa 50 myń tonna munai jetkizýdi josparlap otyr. Reuterseki derekkózdiń málimetine súiene otyryp jazǵan materialynda:
"Kaspii qubyr jelisi konsortsiýmy drondar shabýylynan zaqymdanyp isten shyqqandyqtan, Qazaqstan Qashaǵanda óndirilgen munaidyń bir bóligin tikelei Qytaiǵa satpaq", – delingen.
Sebebi, KQK arqyly batysqa qarai munai eksporttaý shekteldi. Qazirgi tańda konsortsiým munai aidaý qurylǵysynyń bireýin paidalanyp otyr. 3 qurylǵynyń biri drondar shabýylynan zaqymdansa, taǵy bireýi jóndelip jatyr.
Qashaǵan munaiy Qytaiǵa Atasý-Alashankoý qubyry arqyly jetkiziledi. Ken ornynda munaidy NCOC konsortsiýmy óndiredi. Onyń quramyndaǵy CNPC Qytai kompaniiasy 30 myń tonna, al Inpex japon kompaniiasy 20 myń tonna munaidy Qytaiǵa jóneltedi.
Elimizdiń energetika ministrligi ázirge Qashaǵan munaiyn Qytaiǵa jóneltý týraly málimet jariialamady, biraq qosymsha baǵyttar izdestirip jatqanyn habarlady.
Atasý-Alashankoý munai qubyry Qazaqstannan Qytaidyń Shyńjań ólkesine deiin sozylyp jatyr. Onymen negizinen basqa da ken oryndaryndaǵy munai eksporttalady. Al Qashaǵanda shyǵarylǵan shikizattyń kóp bóligi KQK arqyly batysqa tasylady.
Reuters málimetinshe, qazir Atasý-Alashankoý qubyry arqyly bir aida shamamen 85-89 myń tonna munai aǵyp jatyr. Onyń kólemi qosymsha eksport esebinen kóbeiýi múmkin. Qazaqstan 2025 jyly osy qubyrmen 1 mln tonna munai satýdy kózdeidi. Byltyr Atasý-Alashankoý arqyly 1,2 mln tonna shikizat tasylǵan.
