- Atyraý obysyndaǵy Qashaǵan teńiz ken ornynan alynǵan munai eksportqa úsh qubyr jelisi arqyly tasymaldanatyn bolady, dep habarlaidy "Ult aqparat".
«Árbir merdiger kompaniia - jobanyń aktsioneri, baǵyt marshrýty men satý ornyn ózi tańdaidy. Ázirge Qashaǵan munaiy Kaspii Qubyr konsortsiýmy jáne «QazTransOil» arqyly tasymaldanýda. Munai óndirýdegi Qazaqstan Respýblikasynyń úlesi Kaspii Qubyr konsortsiýmy júiesi boiynsha tasymaldanýda. Munai eksportynyń áleýetti baǵdarlary batysqa qarai «Atyraý - Novorossiisk» (KQK arqyly) qubyr jelisimen, soltústik baǵytqa «Atyraý - Samara» ( «Transneft» reseilik júiesine ený arqyly) qubyr jelisi jáne shyǵysqa qarai «Atyraý - Alashankoý» qubyr jelisi arqyly jiberiledi. «Ár aktsioner óz úlesteriniń tasymaldanýyna jáne esep berý, ónimdi bólisý týraly kelisimge sáikes QR Úkimetimen ónimdi bólisýge derbes jaýap beredi», - dep habarlady QR Energetika ministrligi.
Qashaǵan ken ornynan munai óndirý isi 2016 jyldyń qyrkúiek aiynda qaita jandandy. 2017 jyldyń 13 qańtary kúni Kaspii teńiziniń qazaqstandyq bóliginde munai men gaz óndirý boiynsha alǵashqy jobanyń operatory Nort Kaspian Opereiting Kompani N.V. jariialaǵandai, 8 qańtar kúni Qashaǵan keninde qaýipsiz óndiris pen eksport kólemi 1 million shiki munai jáne kondensatty qurady. Ken óndirý 2016 jyldyń qyrkúiek aiynda bastalyp, qazirgi tańda onyń qarqyny táýligine 180 000 barrel munaiǵa jetti. Ilespe gazdy (kúkirt) qaita aidaý men ońtailandyrýdy bastaǵannan keiin alǵashqy qashaǵandyq jobanyń kezeńi aiasynda óndiris deńgeiin táýligine 370 000 barrelge jetkizý josparlanǵan.
.jpeg)