Atyraý oblysyn ornalasqan Kaspii teńiziniń qazaqstandyq bóligindegi Qashaǵan kenishinde óndirilgen munai úsh million tonnaǵa jetti, dep habarlaidy QazAqparat.
«Byltyrǵy kúzden bastap Qashaǵan kenishinde munai óndirý qaita qolǵa alynǵaly beri jumys jospar boiynsha júzege asyrylýda. Taiaýda ǵana bul meje 3 mln tonnaǵa jetti. Jyl sońyna deiin ken ornynan 8 mln tonna munai óndirý kózdelip otyr», - dep habarlady Qazaqstandyq munaishy-geologtar qoǵamynyń prezidenti Baltabek Qýandyqov.
Eske sala ketsek, ken ornyndaǵy munai óndirý byltyr qyrkúiek aiynda qaita qolǵa alyndy. Qazirgi ýaqytta óndirý kólemi táýligine 200 myń barrelge jetti. Birinshi million tonna munai óndirýge qańtar aiynda qol jetkizildi. Ekinshi million Naýryz merekesi qarsańynda tirkeldi. Qashaǵandy igerýdiń birinshi kezeńinde ilespe kúkirt gazyn jerasty qyrtystaryna qaita quiýdy bastaý kózdelgen. Budan keiin teńiz munaiyn óndirý táýligine 370 myń barrel bolmaq. Aita keterligi ken ornyn paidalaný keziniń eń joǵary kórsetkishi táýligine bir jarym million barrel munai bolmaq.
