اتىراۋ وبلىسىن ورنالاسقان كاسپيي تەڭٸزٸنٸڭ قازاقستاندىق بٶلٸگٸندەگٸ قاشاعان كەنٸشٸندە ٶندٸرٸلگەن مۇناي ٷش ميلليون تونناعا جەتتٸ, دەپ حابارلايدى قازاقپارات.
«بىلتىرعى كٷزدەن باستاپ قاشاعان كەنٸشٸندە مۇناي ٶندٸرۋ قايتا قولعا الىنعالى بەرٸ جۇمىس جوسپار بويىنشا جٷزەگە اسىرىلۋدا. تاياۋدا عانا بۇل مەجە 3 ملن تونناعا جەتتٸ. جىل سوڭىنا دەيٸن كەن ورنىنان 8 ملن توننا مۇناي ٶندٸرۋ كٶزدەلٸپ وتىر», - دەپ حابارلادى قازاقستاندىق مۇنايشى-گەولوگتار قوعامىنىڭ پرەزيدەنتٸ بالتابەك قۋاندىقوۆ.
ەسكە سالا كەتسەك, كەن ورنىنداعى مۇناي ٶندٸرۋ بىلتىر قىركٷيەك ايىندا قايتا قولعا الىندى. قازٸرگٸ ۋاقىتتا ٶندٸرۋ كٶلەمٸ تەۋلٸگٸنە 200 مىڭ باررەلگە جەتتٸ. بٸرٸنشٸ ميلليون توننا مۇناي ٶندٸرۋگە قاڭتار ايىندا قول جەتكٸزٸلدٸ. ەكٸنشٸ ميلليون ناۋرىز مەرەكەسٸ قارساڭىندا تٸركەلدٸ. قاشاعاندى يگەرۋدٸڭ بٸرٸنشٸ كەزەڭٸندە ٸلەسپە كٷكٸرت گازىن جەراستى قىرتىستارىنا قايتا قۇيۋدى باستاۋ كٶزدەلگەن. بۇدان كەيٸن تەڭٸز مۇنايىن ٶندٸرۋ تەۋلٸگٸنە 370 مىڭ باررەل بولماق. ايتا كەتەرلٸگٸ كەن ورنىن پايدالانۋ كەزٸنٸڭ ەڭ جوعارى كٶرسەتكٸشٸ تەۋلٸگٸنە بٸر جارىم ميلليون باررەل مۇناي بولماق.
