Qazaqstan qor birjasynda (KASE) juma kúngi saýda-sattyqtyń tańerteńgilik sessiiasynda teńgeniń AQSh dollaryna shaqqandaǵy ortasha baǵamy 1 dollar úshin 383,43 teńgeni qurady, dep habarlaidy "Ult aqparat" KASE-ge silteme jasap.
Beisenbi kúngi saýda-sattyqpen salystyrǵanda, shetel valiýtasynyń baǵamy 1,08 teńgege arzandady. Sessiia barysynda eń tómengi baǵam 1 dollarǵa - 383 teńge, al eń joǵarysy 384,4 teńge boldy. Saýda kólemi 164,18 mln dollarǵa jetti.
Eske sala ketsek, beisenbi kúni dollardyń T+1 esebimen ortasha baǵamy tańǵy sessiia qorytyndysy boiynsha, 1 dollarǵa 384,51 teńgeni, kúndizgi sessiiada 384,56 teńgeni, eki sessiianyń qorytyndysy boiynsha 384,53 teńgeni quraǵan bolatyn. Saýdanyń jalpy kólemi - 312,154 mln dollar.
