Sportqa bólinetin qarajattyń kóp bóligi sportshylardyń jarystar men daiyndyqtarǵa joǵary tarifpen ushýyna jumsalady. Atalǵan máseleni QR Mádeniet jáne sport ministri Dáýren Abaev alǵa tartty, dep habarlaidy QazAqparat.
«Ulttyq olimpiada komitetiniń kúntizbe josparyna qaita-qaita ózgertýler men tolyqtyrýlar engizýdi toqtatatyn kez keldi. Ótken jyly qysqy sport túrleri boiynsha 71 is-sharaǵa, jazǵy sport túrleri boiynsha 200-den astam is-sharaǵa ózgerister men tolyqtyrýlar engizildi. Josparlaýdyń qisyqtyǵynan qarjynyń deni sportshylardyń joǵary tarifpen ushýyna jumsalady», - dedi Dáýren Abaev Shýchinskide ótken XXIV qysqy olimpiada oiyndarynyń qorytyndysyna arnalǵan keńeitilgen otyrysta.
Onyń aitýynsha, sport direktsiiasy sharalar kúntizbesi men jarystarǵa daiyndyq protsesin qatań baqylaýǵa alýy kerek.
«Biz sportshy daiarlaýdy, daiyndyq jospary men jattyǵý protsesin bas jattyqtyrýshyǵa tolyqtai senip tapsyramyz. Al quzyrly organdarǵa qarjyny ýaqytynda bólý jáne sportshylardy sapaly daiarlaý úshin qolaily jaǵdai jasaý mindeti júkteledi», - deidi ol.
