QR Qarjy naryǵyn retteý jáne damytý agenttigi 2020 jylǵy jeltoqsanda halyqpen ózara is-qimyl jasaityn qarjy jáne ózge de uiymdardyń jarnama qyzmetine júielik monitoring júrgizdi, dep habarlaidy "Ult aqparat".
Agenttik mikroqarjy uiymdary men lombardtarǵa qatysty jalpy somasy 5,7 mln teńgege aiyppul salý týraly 30 ákimshilik jaza qoldanyp, 9 jazbasha uiǵarym shyǵardy.
«TAS CREDIT» mikroqarjy uiymy» JShS-ǵa buqaralyq aqparat quraldarynda (BAQ) jariialanǵan kúngi qyzmetine sáikes kelmeitin jarnamany taratý nemese ornalastyrý túrindegi ákimshilik quqyq buzǵany úshin 416 700 teńge aiyppul salyndy.
QR zańnamasynda belgilengen tártippen eseptelgen jyldyq tiimdi syiaqy mólsherlemesiniń mólsherin kórsetpeý túrindegi ákimshilik quqyq buzǵany úshin «Lombard «Piatachok» JShS-ǵa, «Lombard Doverie» JShS-ǵa, «0,18% Lombard» JShS-ǵa, «Altyn Lombard» JShS-ǵa, «Lombard Kredit kz» JShS-ǵa, «LOMBARD STOLIChNYI KZ» JShS-ǵa, «Tez Lombard» JShS-ǵa, «Tsifra Lombard» JShS-ǵa, « Ekspress zaim MQU» JShS-ǵa, «Lombard «Srochno dengi» JShS-ǵa, «Lombard Status&Ko» JShS-ǵa, «Lombard «Narodnyi KZ» JShS-ǵa, «Lombard «Agat-T» JShS-ǵa qatysty 4,7 mln teńge aiyppul salyndy.
«Mikroqarjylyq qyzmet týraly» QR Zańynda kózdelmegen qyzmetti júzege asyrǵany úshin «Lider – Kapital 168» MQU» JShS-ǵa 555 600 teńge aiyppul salyndy.
Mikrokredit berý týraly úlgi sharttardyń QR zańnamasynyń talaptaryna sáikes bolmaǵany úshin «Adil-Lombard» JShS-ǵa, «Ai-N Lombard» JShS-ǵa, «Lombard-Qarjy» JShS-ǵa, «Lombard «ULY ShYŃ» JShS-ǵa, «Gold-Iýg-Lombard» JShS-ǵa, «Lombard «Komfort» JShS-ǵa, «Ońtústik Finans-Resýrs» kredittik seriktestigi» JShS-ǵa, «Creditum» mikroqarjy uiymy» JShS-ǵa, «TESQUA FINANCE» MQU» JShS-ǵa 9 jazbasha uiǵarym jiberildi.
Budan basqa, qaita tirkeýden ótpegen jáne eseptik tirkeýden ótý úshin ótinish bermegen lombardtarǵa qatysty Agenttiktiń óńirlik basqarmalary jumys istep jatyr.
2020 jylǵy jeltoqsanda ekinshi deńgeidegi bankterge, baǵaly qaǵazdar naryǵynyń jáne saqtandyrý naryǵynyń sýbektilerine qatysty buzýshylyqtar, sondai-aq zańsyz is-qimyl jáne alaiaqtyq faktileri anyqtalǵan joq.
Halyqpen ózara is-qimyl jasaityn qarjy jáne ózge de uiymdardyń jarnama qyzmetine alaiaqtyq jáne basqa zańsyz áreketterdiń bolý múmkindigi turǵysynan:
- Agenttikke, onyń ishinde Agenttiktiń suraý salýy boiynsha qarjy jáne ózge de uiymdar usynǵan qujattar men aqparat;
- jeke jáne zańdy tulǵalardan, memlekettik organdardan kelip túsken ótinishter, qujattar men aqparat;
- qarjy jáne ózge de uiymdardyń internet-resýrstary;
- áleýmettik jeliler («Facebook», «Twitter», «Instagram», «VKontakte», «Telegram»);
- qarjy jáne ózge de uiymdardyń mobildik qosymshalary;
- tele-, radioarnalardaǵy, qoǵamdyq kóliktegi, merzimdi baspasóz basylymdaryndaǵy jarnama, sondai-aq syrtqy jarnama tekseriledi.
Monitoring Nur-Sultan, Almaty, Shymkent qalalarynda jáne QR oblystyq ortalyqtarynda júrgizildi.
