Ishki ister ministrligi vainerler jarnamalaǵan qarjy piramidalarynan tárkilengen múlikti jariialady, dep habarlaidy Sputnik Qazaqstan.
Tergeý departamentiniń bastyǵy Sanjar Ádilovtyń aitýynsha, "Astex.kz" JShS, "ACD technology" JShS jáne "Mudarabah Capital" JShS qatysty qylmystyq is aiasynda ekonomikalyq jáne býhgalterlik sot saraptamalary taǵaiyndaldy.
"Jábirlenýshilerge keltirilgen materialdyq zalaldy óteý maqsatynda tergeýshi kúdiktiler men olardyń týystarynyń atyna tirkelgen Almaty, Nur-Sultan qalalarynda jáne Almaty oblysynda ornalasqan múlikke - 4 jer ýchaskesi, 10 páter, 5 jeke úi, 2 avtomobil, 1 dúken jáne kompaniianyń barlyq esep aiyrysý shottaryna tyiym salyndy", - dedi Ádilov ortalyq kommýnikatsiialar qyzmetinde ótken brifingte.
Bas tergeýshiniń aitýynsha, tárkilengen múlik baǵalanady. Odan keiin sottyń sheshimimen taratylady.
Aita keteri, osy qylmystyq is boiynsha 14 adam kúdikti dep tanyldy. Olardyń ishinde tanymal blogerler men vainerler de bar.
Tergeý materialdaryna sáikes, "ASTEX.KZ" JShS, "ACD technology" JShS jáne "MUDARABAN Capital" JShS laýazymdy tulǵalary jeke jáne zańdy tulǵalary 2019-2021 jyldar aralyǵyńda aqshany memlekettik satyp alýǵa salamyz dep, halyqtan aqsha jinaǵan.
Firmalar ár salymshyǵa ai saiyn salynǵan somanyń 20% tóleýge ýáde etken.
Sonymen qatar, "ASTEX.KZ" JShS-ne 160 salymshydan 1 milliard teńgege jýyq qarajat onyń agenttik kompaniiasy "MUDARABAN CAPITAL" JShS arqyly túskeni anyqtaldy.
Sondai-aq, basqa kompaniialar da anyqtaldy, olar arqyly salymshylardan aqsha aǵyndary "ASTEX.KZ" JShS men "ACD technology" JShS-ne berilip otyrdy.
