Aqtóbede qarjy piramidasyn uiymdastyrǵan destrýktiv dini aǵym jaqtaýshylary ustaldy, - dep habarlaidy "Ult aqparat" Polisia.kz-ke silteme jasap.
Portal málimetinshe, Aqtóbe oblysy PD Uiymdasqan qylmysqa qarsy kúres basqarmasynyń qyzmetkerleri qylmystyq orta ókilderiniń jáne destrýktiv dini aǵymdardyń qylmystyq-baǵdarlanǵan jaqtaýshylarynyń zańsyz is-áreketiniń jolyn kesý boiynsha jedel-izdestirý is-sharalaryn júrgizý barysynda óńirde avtolombard túrindegi qarjy piramidasyn qurý jáne basqarý deregin anyqtady.
Avtolombardtyń atymen turaqty qarjy piramidasy qurylǵany belgili boldy. Jalǵan sharttarǵa sáikes uiymdastyrýshylar salymshylarǵa avtokólik quraldaryn naryqtyq baǵadan joǵary baǵaǵa satyp alýǵa ýáde bergen, biraq avtokólikter naryqtyq baǵadan eki nemese odan da kóp ese tómen úshinshi tulǵalarǵa satylǵan, al tólemder jańa "klientterdi" tartý arqyly júzege asyrylǵan.
Arnaiy operatsiiany júrgizý kezinde Politsiia departamentiniń Uiymdasqan qylmysqa qarsy kúres bólimshesiniń jedel ýákilderi Aqtóbe oblysy boiynsha Ekonomikalyq tergeý departamentiniń qyzmetkerlerimen birlesip, osy zańsyz qyzmetke qatysy bar degen kúdikpen qarjy piramidasynyń eki uiymdastyrýshysyn jáne basqa da adamdardy ustady.
Tintý barysynda arnaiy tehnika, JShS-niń zańsyz qyzmetine qatysty qujattama, dini sipattaǵy ádebietter, bank kartalary, elektron jady tasymaldaǵyshtar jáne uialy telefondar tárkilendi.
Qazir kúdikti piramida basshylary sot sanktsiiasymen qamaýǵa alyndy. Qarjy piramidasyna qatysýshy kriminalitet ókilderi men destrýktiv dini aǵymdardy ustanýshylardy áshkereleý boiynsha odan ári tergeý-jedel is-sharalar júrgizilip jatyr.
