Bas prokýratýra qarjy piramidasyn qurýǵa qatysy bar vainerler men blogerlerdi jaýapqa tartý máselesin pysyqtap jatyr, dep habarlaidy "Ult aqparat".
Bul týraly elimizdiń Bas prokýrory Ǵizat Nurdáýletov Májilis depýtattarynyń saýalyna bergen jaýabynda aitty.
«Baiandalǵanmen qatar, tergeý barysynda blogerlerdiń, vainerlerdiń jəne basqa da ataqty adamdardyń qarjy piramidasyn qurýǵa qatystylyǵy anyqtalǵan jaǵdaida qylmystyq qýdalaý organdary olardyń əreketterine tiisti quqyqtyq baǵa berý jəne kómekteskeni úshin qylmystyq jaýapqa tartý týraly məseleni sheshý qajettigine baǵdarlanǵan», - dep jazylǵan jaýapta.
Onyń aitýynsha, Qylmystyq kodekstiń 28-baby 5-bóligi buǵan múmkindik beredi.
«Qarjy piramidalaryna qarsy is-qimyl boiynsha tiimdi sharalar əzirleý úshin quramynda Bas prokýratýra, IIM, Qarjymini, AQDM, Ulttyq Bank ókilderi bar vedomstvoaralyq jumys toby qurylǵanyn habarlaimyz. Jumys toby aiasynda azamattyq qoǵam institýttaryn tarta otyryp, yntymaqtastyq týraly memorandým əzirlenip, media-jospar bekitildi», -delingen Bas prokýrordyń jaýabynda.
Sondai-aq, ol jeke tulǵalardyń qarjy uiymdaryn jarnamalaýǵa zańnamalyq tyiym salýdy engizý máselesi de qaralyp jatqanyn aitady.
«Biyl 4 naýryzda zańdylyqty, quqyqtyq tərtipti jəne qylmysqa qarsy kúresti qamtamasyz etý jónindegi úilestirý keńesi otyrysynda osy másele talqylanyp, jaýapty memlekettik organdarǵa birqatar usynymdar berildi», - dedi Ǵizat Nurdáýletov Májilis ókilderine bergen jaýapta.
