Foto: ashyq derekkóz
Qarjy piramidasyn basqardy degen kúdikpen halyqaralyq izdeýde júrgen Qazaqstan azamaty Grýziiadan ekstraditsiialandy, dep habarlaidy Ult.kz.
Qazaqstan Respýblikasy Bas prokýratýrasy men Qarjy monitoringi agenttiginiń qyzmetkerleri Qazaqstannyń Grýziiadaǵy Elshiliginiń kómegimen ekonomikalyq qyzmet salasynda aýyr qylmys jasaǵany úshin kúdikke ilingen azamatshany elge qaitardy.
Tergeý derekterine sáikes, kúdikti Astana qalasynda «World Business Consulting» qarjy piramidasynyń qurylymyn basqarǵan. Atalǵan uiym 2018–2022 jyldar aralyǵynda Qazaqstannyń túrli óńirlerinde joǵary tabys ýáde etý arqyly azamattardan 6,5 milliard teńgeden astam qarajatty zańsyz tartqan.
Bul qylmystyq uiymnyń birqatar qatysýshylary buǵan deiin naqty bas bostandyǵynan aiyrý jazasyna sottalǵan. Al kúdikti qylmys jasaǵannan keiin jasyrynyp, oǵan halyqaralyq izdeý jariialanǵan.
2025 jyldyń qarasha aiynda ol Grýziia aýmaǵynda ustalyp, Qazaqstan Respýblikasy Bas prokýratýrasynyń suraýy negizinde elge ekstraditsiialandy. Qazirgi ýaqytta kúdikti ýaqytsha ustaý izoliatoryna qamaldy.
Atalǵan qylmysty jasaǵany úshin múlkin tárkileý jáne 12 jylǵa deiin bas bostandyǵynan aiyrý jazasy kózdelgen.
