Foto: Ashyq derekkóz
Qarjylyq monitoring agenttiginiń tóraǵasy Dmitrii Malahovtyń tapsyrmasy boiynsha «Qarjy piramidalaryna qarsy is-qimyl» arnaiy jobasy iske qosyldy, dep habarlaidy «Ult aqparat» agenttiktiń baspasóz qyzmetine silteme jasap.
Baspasóz qyzmetiniń habarlaýynsha, mundaǵy basty maqsat - alaiaqtyq jobalardyń ómirlik tsiklyn jáne olarǵa tartylǵan salymshylar sanyn qysqartý.
IT quraldaryn paidalana otyryp, qarjy piramidalarynyń qurylǵan sátinen bastap, erte anyqtaý úshin áleýmettik jelilerge taldaý júrgizilýde.
Biylǵy jyly buǵattaýǵa 600 myń adam aýditoriiany qamtyǵan, myńǵa jýyq qarjy piramidasynyń belgileri bar saittar men shottardyń siltemesi jiberildi.
Tek sońǵy alty aida internet jelisinde 36 qarjy piramidasy anyqtaldy.
Olar boiynsha «WhatsApp», «Telegram» jáne «Instagram» áleýmettik jelilerinde 200 chat anyqtalǵan. Búgingi tańda 182 chat buǵattaldy.
Osylaisha, 126 myń azamattyń odan ári qarjylyq shyǵyndarynyń aldy alyndy.
73 myń aýditoriiasy bar 7 iri sheteldik joba boiynsha sotqa deiingi tergeý bastaldy (Eolus, Nisa, GPIBS, Dari polýchai, Charoit, Carhomi, Beefre).
Bir piramida boiynsha sot úkimi bar (Eolus-úkim 23.02.2024 j.shyǵaryldy).
Sonymen qatar, olardy tolyǵymen joiý úshin Agenttik qarjy piramidalaryn uiymdastyrdy degen kúdiktilerdiń ornalasqan jeri jaily aqparatty TMD boiynsha áriptesterin habarlady.
Áriptes eldermen ózara is-qimyl TMD elderiniń salyqtyq (qarjylyq) tergep-tekserý organdarynyń Úilestirý keńesi janynan QMA bastamasy boiynsha Arnaiy jumys tobyn qurýdyń arqasynda múmkin boldy.
«Aita ketý kerek, qarjy piramidalary áli de qarjylyq investitsiialar salasyndaǵy qylmystyq kórinistiń eń qaýipti modelderiniń biri bolyp tabylady. Olardyń taralýy azamattardyń qarjylyq jaǵdaiyna nuqsan keltiredi. Azamattardyń qaryzǵa kirip, kóterme nesie alady, qylmys pen sýitsidke barady. Munyń bári qoǵamdaǵy áleýmettik shieleniske ákeledi, al qylmystyq elementter odan paida tabýdy jalǵastyrýda», - delingen baspasóz-baianynda.
Osyǵan bailanysty, QMA qarjy piramidasyn qurǵany úshin qylmystyq jaýapkershilik kózdelgenin jáne múlki tárkilenip, 10 jylǵa deiingi merzimge bas bostandyǵynan aiyrý jazasy kózdelgenin eskertedi.
