Qyzylordada qarjy piramidasyn qurý arqyly halyqtan 57 mln teńgeden astam qarjyny qoldy etken turǵyn bas bostandyǵynan aiyryldy, – dep habarlaidy QazAqparat.
Keleńsiz oqiǵa 2019 jyldyń aqpan aiynda bolǵan. Sol kezde Qyzylorda qalasynyń turǵyny «WhatsApp» jelisinde «Million invest» chaty arqyly qarjylyq (investitsiialyq) piramida quryp, oǵan basshylyq jasaǵan. Bul áreketin birneshe ret qaitalap, asa iri mólsherdegi 57 mln teńgeden astam aqshany qaltaǵa basqan. Osylaisha aýyr sanattaǵy qylmystyq quqyq buzýshylyq jasaǵan.
«Osy derek boiynsha QR Qylmystyq Kodeksiniń 217-babynyń 3-bóliginiń 2-tarmaǵymen sotqa deiingi tergep-tekserý amaldary júrgizildi. Onda qarjy (investitsiialyq) piramidasyn qurý jáne oǵan basshylyq etý jaǵdaiy kórsetilgen. Tergep-tekserý barysynda politsiia qyzmetkerleriniń kásibi biliktiliginiń, olardyń birikken júieli jumystary óz nátijesin berdi. Kúdiktiniń qylmystyq is-áreketi tolyq dáleldendi. Nátijesinde qylmystyq is aiyptaý aktisimen sotqa joldandy. Sot protsesinde kúdikti ózi jasaǵan qylmystyq is áreketin tolyq moiyndap, keltirilgen shyǵyndy jábirlenýshilerge óndirýde. Qyzylorda qalalyq №2 sot sheshimimen aiyptalýshy 1 jyl 6 aiǵa bas bostandyǵynan aiyryldy. Sot úkimimen oǵan jábirlenýshilerge keltirilgen shyǵyn zańmen belgilengen tártippen óteý mindetteldi», - dep málim etti Qyzylorda oblystyq politsiia departamenti.
